മൂലമറ്റം: മുട്ടം പെരുമറ്റത്ത് 120 കിലോഗ്രാം ചന്ദനത്തടിയുമായി ഏഴുപേർ അറസ്‌റ്റിൽ.25 ലക്ഷത്തോളം വിലവരുന്ന ചന്ദനമാണ് പിടികൂടിയത്. കച്ചവടക്കാർ എന്ന വ്യാജേനയാണ് വനം വകുപ്പ് ഉദ്യോഗസ്ഥർ ഇവരെ സമീപിച്ചത്.

പെരുമറ്റം മലങ്കര ആൽപ്പാറയിൽ ജനിമോൻ ചാക്കോയുടെ വീട്ടിൽനിന്നുമാണ് ചാക്കിൽ സൂക്ഷിച്ചിരുന്ന ചന്ദനതടിയുടെ കഷ്‌ണങ്ങൾ പിടികൂടിയത്. മുട്ടം പെരുമറ്റം കല്ലേൽ ജനിമോൻ ചാക്കോ (39) വണ്ണപ്പുറം പുളിക്കുന്നേൽ ആന്റോ ആന്റണി (38), വണ്ണപ്പുറം കുന്നേൽ കെ എ ആന്റണി (70), വണ്ണപ്പുറം കരോട്ടുമുറിയിൽ ബിനു (44), കാളിയാർ തെക്കേപ്പറമ്പിൽ ബേബി സാം (31), മൂന്നിലവ് മേച്ചാൽ കുന്നത്ത് മറ്റത്തിൽ കെ ജെ സ്റ്റീഫൻ (36), മേച്ചാൽ ചെമ്പൊട്ടിക്കൽ ഷൈജു ഷൈൻ (31), എന്നിവരെയാണ് പിടികൂടിയത്‌.

ഫ്ളെയിങ് സ്ക്വാഡ് സെക്ഷൻ ഫോറസ്റ്റ് ഓഫീസർ പി എൻ സുരേഷ് കുമാർ, ഡിഎഫ്ഒമാരായ ജോസഫ് ജോർജ്, അനിൽ, സുജിത്ത് തൊടുപുഴ വനംവകുപ്പിലെ ഉദ്യോഗസ്ഥരായ അംജിത്ത് ശങ്കർ, അഖിൽ, പത്മകുമാർ, ഷെമിൽ, സോണി, രതീഷ് കുമാർ എന്നിവർ നേതൃത്വം നൽകി.