ബംഗാൾ ഉൾക്കടലിൽ ന്യൂനമർദ്ദം രൂപപ്പെട്ടു. മറ്റൊരു ചക്രവാതച്ചുഴിയും. കേരളത്തിൽ 5 ദിവസം ഇടിമിന്നലോട് കൂടിയ മഴ. കേരളത്തിൽ വീണ്ടും മഴ മുന്നറിയിപ്പ് പുറപ്പെടുവിച്ച് കേന്ദ്ര കാലാവസ്ഥാ നിരീക്ഷണ കേന്ദ്രം.

ഇടുക്കി ഉൾപ്പെടെ രണ്ട് ജില്ലകളിൽ മഞ്ഞ അലെർട് പ്രഖ്യാപിച്ചു . തെക്ക് കിഴക്കൻ നിക്കോബർ ദ്വീപിനും മുകളിലായി ന്യൂന മർദ്ദം രൂപപ്പെട്ടു. പടിഞ്ഞാറ് വടക്ക് പടിഞ്ഞാറ് ദിശയിൽ നവംബർ 16 ഓടെ മധ്യ പടിഞ്ഞാറൻ ബംഗാൾ ഉൽക്കടലിൽ വച്ച് തീവ്ര ന്യൂന മർദ്ധമായി ശക്തി പ്രാപിക്കാൻ സാധ്യതയുണ്ടെന്നാണ് മുന്നറിയിപ്പ്. തെക്ക് പടിഞ്ഞാറൻ ബംഗാൾ ഉൽക്കടലിന് മുകളിൽ മറ്റൊരു ചക്രവാതചുഴി നിലനിൽപ്പുണ്ട്. ഇവ രണ്ടിന്റെയും സ്വാധീന ഫലമായി അടുത്ത അഞ്ചു ദിവസത്തേക്ക് കേരളത്തിൽ ഇടിമിന്നലൊട് കൂടിയ മിതമായ മഴ പെയ്യുമെന്നാണ് കേന്ദ്ര കാലാവസ്ഥാ വകുപ്പ് അറിയിച്ചത്. കൂടാതെ തമിഴ്നാട്ടിലും ശക്തമായ മഴയ്ക്ക് സാധ്യതയുണ്ട്. 13 ജില്ലകളിൽ ഇന്നും നാളെയും തീവ്ര മഴ  മുന്നറിയിപ്പുണ്ട്.