ഇടുക്കി : കാഞ്ഞിരപ്പള്ളി രൂപതാ വൈദികനായ ഫാ. ജോസ് മാറാമറ്റം (72) അന്തരിച്ചു. സംസ്കാര ശുശ്രൂഷകൾ ജൂൺ 1ന് ഉച്ചകഴിഞ്ഞ് 2ന് കാഞ്ഞിരപ്പളളി പാസ്റ്ററൽ സെന്റർ ഓഡിറ്റോറിയത്തിൽ നിന്ന് ആരംഭിച്ച് 3ന് പൊടിമറ്റം സെന്റ് മേരീസ് പള്ളിയിൽ നടത്തപ്പെടും. പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട് കാർമികത്വം വഹിക്കും. തിങ്കളാഴ്ച രാവിലെ 8 മുതൽ കാഞ്ഞിരപ്പള്ളി പാസ്റ്ററൽ സെൻ്റർ ഓഡിറ്റോറിയത്തിൽ പൊതുദർശനത്തിന് വെക്കും.

മാറാമറ്റം പരേതരായ ജോസഫ് - ഏലിയാമ്മ ദമ്പതികളുടെ മകനായ ഫാ. ജോസ് വടവാതൂർ സെന്റ് തോമസ് അപ്പസ്തോലിക് സെമിനാരിയിൽ വൈദികപരിശീലനം പൂർത്തിയാക്കി 1980 ഫെബ്രുവരി 2 ശുശ്രൂഷാ പൗരോഹിത്യം സ്വീകരിച്ചു. പ്ലാശനാൽ,കുറവിലങ്ങാട് ഇടവകകളിൽ അസിസ്റ്റൻ്റ് വികാരി, കൊച്ചു തോവാള, കുഴിത്തൊളു , ചെറുവള്ളി, കുമളി, ഇളങ്ങോയി, കൽത്തൊട്ടി, കണമല,എരുമേലി,പൂമറ്റം,ഇഞ്ചിയാനി,വഞ്ചിമല ഇടവകകളിൽ വികാരി എന്നീ നിലകളിലും അമേരിക്കയിലെ മാർക്വയറ്റ് രൂപതയിലും ശുശ്രൂഷ നിർവഹിച്ചിട്ടുണ്ട്. കാഞ്ഞിരപ്പള്ളി വിയാനി ഹോമിൽ വിശ്രമജീവിതം നയിച്ചു വരികയായിരുന്നു. സഹോദരങ്ങൾ: ഫാ. അലക്സാണ്ടർ മാറാമറ്റം സി എം ഐ (ജഗദൽപൂർ), സിസ്റ്റർ ലിസ ജോസ് എസ് എ ബി എസ് (ഉജ്ജയിൻ)ലിസിയമ്മ പുതുശ്ശേരി (മേവിട), ജോർജ് (ചിറ്റാർ), കൊച്ചുറാണി കാണക്കാലിൽ (വയല) ജോണി (ചക്കാമ്പുഴ), ജയിംസ്( ബാംഗ്ലൂർ), തോമസ് (കീഴൂർ), സെലിൻ ചിറക്കൽഅയിരൂക്കാരൻ (കറുകുറ്റി), ബാബു (ചിറ്റടി, പാലക്കാട്) പരേതനായ മാനുവൽ (പയസ്). മാതാവ് ഏലിയാമ്മ കുറവിലങ്ങാലങ്ങാട് മണക്കാട്ട് കുടുംബാംഗമാണ്.