വോട്ടര്‍പട്ടികയില്‍ യോഗ്യരായ മുഴുവന്‍പേരെയും ഉള്‍പ്പെടുത്തും
വോട്ടര്‍പട്ടികയില്‍ യോഗ്യരായ മുഴുവന്‍പേരെയും ഉള്‍പ്പെടുത്തും
ഇടുക്കി : ജില്ലയില്‍ പ്രത്യേക സംക്ഷിപ്ത വോട്ടര്‍ പട്ടിക പുതുക്കല്‍ നടപടി വിലയിരുത്തി. കലക്ടര്‍ ഷീബാ ജോര്‍ജിന്റെ സാന്നിധ്യത്തില്‍ നിരീക്ഷകന്‍ സീറാം സാംബശിവ റാവുവിന്റെ നേതൃത്വത്തില്‍ യോഗം ചേര്‍ന്നു. യോഗ്യരായ മുഴുവന്‍ ആളുകളെയും ഉള്‍പ്പെടുത്തി വോട്ടര്‍ പട്ടിക പ്രസിദ്ധീകരിക്കലാണ് തെരഞ്ഞെടുപ്പ് കമീഷന്റെ ലക്ഷ്യമെന്ന് സീറാം സാംബശിവ റാവു അറിയിച്ചു. വിവിധ അംഗീകൃത രാഷ്ട്രീയ പാര്‍ട്ടി പ്രതിനിധികള്‍, എംഎല്‍എമാരുടെ പ്രതിനിധികള്‍ എന്നിവരുമായി നിരീക്ഷകന്‍ ചര്‍ച്ച നടത്തി. തുടര്‍ന്ന് ഇലക്ഷന്‍ ഡെപ്യൂട്ടി കലക്ടര്‍, വിവിധ നിയമസഭാ മണ്ഡലങ്ങളിലെ തഹസീല്‍ദാര്‍മാര്‍, ഇലക്ഷന്‍ ഡെപ്യൂട്ടി തഹസീല്‍ദാര്‍മാര്‍, മറ്റ് ഇലക്ഷന്‍ വിഭാഗത്തിലെ ഉദ്യോഗസ്ഥര്‍ എന്നിവരുമായി വോട്ടര്‍ പട്ടിക പുതുക്കല്‍ നടപടികള്‍ സംബന്ധിച്ച് വിലയിരുത്തല്‍ നടത്തി.
What's Your Reaction?
