ഇടുക്കി: മാലിന്യമുക്ത നവകേരളം കലാജാഥക്ക് അയ്യപ്പന്‍കോവിലില്‍ സ്വീകരണം നല്‍കി. കുടുംബശ്രീ ജില്ലാ മിഷനും ശുചിത്വമിഷനും സംയുക്തമായാണ് ജാഥ സംഘടിപ്പിക്കുന്നത്. ജില്ലയിലെ വിവിധ പഞ്ചായത്തുകളില്‍ പര്യടനം പൂര്‍ത്തിയാക്കിയ കലാജാഥ അയ്യപ്പന്‍കോവിലില്‍ വിവിധ പരിപാടികള്‍ അവതരിപ്പിച്ചു. തെരുവ് നാടകം , പാട്ട്, ഫ്‌ലാഷ് മോബ് തുടങ്ങിയ പരിപാടികളിലൂടെയാണ് മാലിന്യ നിര്‍മ്മാര്‍ജ്ജനത്തിന്റെ സന്ദേശം ജനങ്ങളിലെത്തിക്കുന്നത്. ഉറവിടമാലിന്യ സംസ്‌കരണമാണ് നാടിന് ആവശ്യം. പ്ലാസ്റ്റിക് കത്തിക്കുകയോ വലിച്ചെറിയുകയോ ചെയ്യരുതെന്ന സന്ദേശവും കലാജാഥ നല്‍കുന്നുണ്ട്. കഴിഞ്ഞ മാസം 12 ന് ജില്ലാ കളക്ടര്‍ ഷീബാ ജോര്‍ജാണ് കലാജാഥ ഉദ്ഘാടനം ചെയ്തത്.