ഇടുക്കി: വര്‍ഗീയ ഫാസിസത്തിനും കേന്ദ്ര അവഗണനക്കുമെതിരെ എഐവൈഎഫ് ജില്ലാ കമ്മിറ്റി ചൊവ്വ, ബുധന്‍ ദിവസങ്ങളില്‍ കട്ടപ്പന ഓപ്പണ്‍ സ്റ്റേഡിയത്തില്‍ ഡെമോക്രാറ്റിക് സ്ട്രീറ്റ് നടത്തും. ചൊവ്വ വൈകിട്ട് നാലിന് സംസ്ഥാന വൈസ് പ്രസിഡന്റ് എന്‍ അരുണ്‍ ഉദ്ഘാടനം ചെയ്യും. സിപിഐ ജില്ലാ സെക്രട്ടറി കെ സലിംകുമാര്‍, സംസ്ഥാന കൗണ്‍സില്‍ അംഗം കെ കെ ശിവരാമന്‍, മുന്‍ എംപി അഡ്വ. ജോയ്‌സ് ജോര്‍ജ് തുടങ്ങിയവര്‍ സംസാരിക്കും. തുടര്‍ന്ന് നൈറ്റ് മാര്‍ച്ച്, ഡോക്യുമെന്ററി പ്രദര്‍ശനം, കലാപരിപാടികള്‍ എന്നിവ നടക്കും.
ബുധന്‍ രാവിലെ 10ന് സമാപന സമ്മേളനം സിപിഐ സംസ്ഥാന എക്‌സിക്യൂട്ടീവ് അംഗം കെ കെ അഷറഫ് ഉദ്ഘാടനം ചെയ്യും. വാര്‍ത്താസമ്മേളനത്തില്‍ സനീഷ് മോഹന്‍, അഡ്വ. കെ ജെ ജോയ്‌സ്, ആശ ആന്റണി, വി ടി ഷാന്‍, ആനന്ദ് വിളയില്‍, എ എസ് സെന്തില്‍ എന്നിവര്‍ പങ്കെടുത്തു.