ക്രൈസ്റ്റ് കോളേജില്‍ ഇന്‍ക്കുബേഷന്‍ സെന്റര്‍ ആരംഭിച്ചു
ക്രൈസ്റ്റ് കോളേജില്‍ ഇന്‍ക്കുബേഷന്‍ സെന്റര്‍ ആരംഭിച്ചു
ഇടുക്കി: പുളിയന്‍മല ക്രൈസ്റ്റ് കോളേജില്‍ ഇന്‍ക്കുബേഷന്‍ സെന്റര്‍ ആരംഭിച്ചു. നൈപുണ്യ വികസനത്തില്‍ ശ്രദ്ധ കേന്ദ്രീകരിച്ച് വിദ്യാര്‍ഥികളുടെ പുതിയ കണ്ടുപിടുത്തങ്ങള്‍ക്ക് ശക്തമായ അടിത്തറ കെട്ടിപ്പടുത്തി വിജയകരമായ ഒരു ബിസിനസ് നടത്തുന്നതിനാവശ്യമായ അറിവ് നല്‍കുക എന്ന ലക്ഷ്യത്തോടെയാണ് കമ്പ്യൂട്ടര്‍ ആപ്ലിക്കേഷന്‍ വിഭാഗത്തിന്റെ നേതൃത്വത്തില്‍ സെന്റര്‍ ആരംഭിച്ചത്. സെന്ററിന്റെ ഉദ്ഘാടനം ഓട്ടോസിംഗ് ടെക്നോളജി സി.ഇ.ഒ റോഷന്‍ സാജന്‍ നിര്‍വ്വഹിച്ചു. പുറ്റടി ഹോളിക്രോസ് കോളേജിലെ വൈസ് പ്രിന്‍സിപ്പല്‍ മെല്‍വിന്‍ എന്‍. വി മുഖ്യാതിഥിയായി. കോളേജ് ഡയറക്ടര്‍ അനൂപ് തുരുത്തിമറ്റം, കോളേജ് പ്രിന്‍സിപ്പല്‍ ഡോ. എം.വി. ജോര്‍ജുകുട്ടി എന്നിവര്‍ സംസാരിച്ചു. ബി.സി.എ വിഭാഗം മേധാവി ജോസ് കെ സെബിന്‍, ഐ.ക്യു.എ.സി കോഡിനേറ്റേഴ്സായ ക്രിസ്റ്റി പി ആന്റണി, ബിനു ജോര്‍ജ്, ബി.സി.എ വിഭാഗം അധ്യാപകരായ ഡോണാമോള്‍ തോമസ്, സ്നേഹമോള്‍ തോമസ്, എപ്സി മാത്യു എന്നിവര്‍ പരിപാടികള്‍ക്ക് നേതൃത്വം നല്‍കി.
What's Your Reaction?
