ഇടുക്കി: ആദിവാസി കോണ്‍ഗ്രസ് മുന്‍ സംസ്ഥാന പ്രസിഡന്റ്  അഡ്വ. കെ കെ മനോജിനെ വാത്തിക്കുടി  പഞ്ചായത്ത്  സെക്രട്ടറിയും  ജീവനക്കാരും ചേര്‍ന്ന് മര്‍ദിച്ചുവെന്നാരോപിച്ച് കോണ്‍ഗ്രസ് വാത്തിക്കുടി മണ്ഡലം കമ്മിറ്റിയുടെ നേതൃത്വത്തില്‍ പ്രതിഷേധയോഗം സംഘടിപ്പിച്ചു.തോപ്രാംകുടി ടൗണില്‍ നടന്ന യോഗം എ.ഐ.സി.സി അഗം അഡ്വ. ഇ എം ആഗസ്തി ഉദ്ഘാടനം ചെയ്തു. മനോജിന്റെ മാതാവിന്റെ പേരില്‍ അനുവദിച്ച വീടിന്റെ രേഖകളുമായി സെക്രട്ടറിയെ കാണാനെത്തിയപ്പോഴായിരുന്നു സംഭവം. മര്‍ദനമേറ്റ മനോജ് ആദ്യം ഇടുക്കി മെഡിക്കല്‍ കോളേജിലും തുടര്‍ന്ന് തൊടുപുഴയിലെ സ്വകാര്യ ആശുപത്രിയിലും ചികിത്സ തേടിയിരുന്നു.  

കോണ്‍ഗ്രസ് വാത്തിക്കുടി മണ്ഡലം പ്രസിഡന്റ് സാജു കാരക്കുന്നേല്‍ അധ്യക്ഷനായി.  മുന്‍ ഡിസിസി പ്രസിഡന്റ്  ഇബ്രാഹിംകുട്ടി കല്ലാര്‍  മുഖ്യപ്രഭാഷണം നടത്തി. കെപിസിസി എക്‌സിക്യൂട്ടീവ് അംഗം എ പി ഉസ്മാന്‍, ജയ്‌സണ്‍ കെ ആന്റണി, അഡ്വ. കെ ബി സെല്‍വം, വിജയകുമാര്‍ മറ്റക്കര, മിനി സാബു, തോമസ് മൈക്കിള്‍, വിനോദ് ജോസഫ്, ജോസ്മി ജോര്‍ജ്, ഐപ്പ് അറുകാക്കല്‍ , ടോമി തെങ്ങുംപള്ളില്‍, ആലീസ് ഗോപുരത്തിങ്കല്‍, തങ്കച്ചന്‍ കാരയ്ക്കവയലില്‍ തുടങ്ങിയവര്‍ സംസാരിച്ചു.