.jpeg)
കട്ടപ്പന സെന്‍ട്രല്‍ ബാങ്ക് ശാഖയിലെ തട്ടിപ്പ്: പ്രതിയെ ബാങ്കിലെത്തിച്ച് തെളിവെടുത്തു
കട്ടപ്പന സെന്‍ട്രല്‍ ബാങ്ക് ശാഖയിലെ തട്ടിപ്പ്: പ്രതിയെ ബാങ്കിലെത്തിച്ച് തെളിവെടുത്തു
ഇടുക്കി: കട്ടപ്പന സെന്‍ട്രല്‍ ബാങ്ക് ശാഖയില്‍ മുക്കുപണ്ടം പണയപ്പെടുത്തിയും പണയഉരുപ്പടികള്‍ തിരിമറി നടത്തിയും കോടികളുടെ തട്ടിപ്പ് നടത്തിയ കേസില്‍ അറസ്റ്റിലായ ബാങ്കിലെ മുന്‍ ഗോള്‍ഡ് അപ്രൈസര്‍ കട്ടപ്പന കൊല്ലംപറമ്പില്‍ കെ.ജി. അനിലെ ബാങ്കില്‍ തെളിവെടുപ്പിന് എത്തിച്ചു. നവംബര്‍ 11നാണ് കെ.ജി. അനില്‍ കട്ടപ്പന കോടതിയില്‍ കീഴടങ്ങിയത്. കഴിഞ്ഞ ഫെബ്രുവരിയില്‍ ബാങ്കില്‍ നടന്ന പരിശോധനയിലാണ് തട്ടിപ്പ് പുറത്തായത്. ഇടപാടുകാര്‍ പണയപ്പെടുത്തിയ ആഭരണങ്ങള്‍ മാറ്റി പകരം മുക്കുപണ്ടം വച്ചു. കൂടാതെ, പരിചയക്കാരായ ഇടപാടുകാരെ കബളിപ്പിച്ച് അവരുടെ പേരില്‍ മുക്കുപണ്ടം ഇതേ ബാങ്കില്‍ പണയപ്പെടുത്തി. പരിശോധനയില്‍ മുക്കുപണ്ടം ശ്രദ്ധയില്‍പ്പെട്ട ഉദ്യോഗസ്ഥര്‍ ഇടപാടുകാരെ ഫോണില്‍ വിളിച്ച് കാര്യമറിയിച്ചപ്പോഴാണ് കബളിപ്പിക്കപ്പെട്ട വിവരമറിഞ്ഞത്. നിരവധിപേരുടെ ആഭരണങ്ങള്‍ ബാങ്കില്‍ കാണാനില്ലായിരുന്നു. ഇടുക്കി ക്രൈംബ്രാഞ്ച് ആണ് അന്വേഷണം.
What's Your Reaction?
