മുരിക്കാട്ടുകുടി ഗവ. ട്രൈബല്‍ സ്‌കൂള്‍ വിദ്യാര്‍ഥികള്‍ക്ക് സ്‌നേഹവീടുകള്‍ കൈമാറി
മുരിക്കാട്ടുകുടി ഗവ. ട്രൈബല്‍ സ്‌കൂള്‍ വിദ്യാര്‍ഥികള്‍ക്ക് സ്‌നേഹവീടുകള്‍ കൈമാറി
ഇടുക്കി: മുരിക്കാട്ടുകുടി ഗവ.ട്രൈബല്‍ ഹയര്‍ സെക്കന്‍ഡറി സ്‌കൂളിലെ നാല് വിദ്യാര്‍ത്ഥികള്‍ക്കായി അധ്യാപിക ലിന്‍സി ജോര്‍ജ് ഒരുക്കിയ വീടുകളുടെ താക്കോദാനം നടന്നു. മന്ത്രി റോഷി അഗസ്റ്റിന്‍ താക്കോല്‍ ദാന ചടങ്ങ് നിര്‍വഹിച്ചു. ഭവന സന്ദര്‍ശനത്തിനിടെയാണ് വിദ്യാര്‍ഥികളുടെ വീടിന്റെ ശോച്യാവസ്ഥ ടീച്ചര്‍ അറിഞ്ഞത്. തുടര്‍ന്നാണ് ഇവര്‍ക്ക് വാസയോഗ്യമായ വീട് നിര്‍മിച്ച് നല്‍കാന്‍ തീരുമാനിച്ചത്. റിയാദില്‍ ജോലിക്കാരായ പെരുമ്പടവം പുത്തേര്‍കുടിലില്‍ ബിജുവും ഭാര്യ സാലിയുമാണ് നിര്‍മാണത്തിനാവശ്യമായ സഹായങ്ങള്‍ നല്‍കിയത്. പഞ്ചായത്ത് പ്രസിഡന്റ് സുരേഷ് കുഴിക്കാട്ടില്‍ അധ്യക്ഷനായി. പഞ്ചായത്തംഗങ്ങളായ തങ്കമണി സുരേന്ദ്രന്‍, ജോമോന്‍ തെക്കേല്‍, ലിനു ജോസ് ,റോയ് എവറസ്റ്റ് ,പ്രിന്‍സിപ്പാള്‍ സുരേഷ് കൃഷ്ണന്‍, സംസ്ഥാന യുവജന കമ്മിഷന്‍ ജില്ലാ കോ-ഓര്‍ഡിനേറ്റര്‍ ജോമോന്‍ പൊടിപാറ, ഹെഡ്മാസ്റ്റര്‍ എസ്. മുനിസ്വാമി ,പിടി എ പ്രസിഡന്റ് പ്രിന്‍സ് മറ്റപ്പള്ളി ,ജയ്‌മോന്‍ കോഴിമല, സ്‌കൂള്‍ സോഷ്യല്‍ സര്‍വീസ് സ്‌കീം പ്രതിനിധികള്‍ എന്നിവര്‍ സംസാരിച്ചു.
What's Your Reaction?
