ഇടുക്കി: നെടുങ്കണ്ടം സര്‍ക്കാര്‍ പോളിടെക്നിക്ക് കോളേജിലെ തുടര്‍വിദ്യാഭ്യാസ സെല്‍, കാമാക്ഷി പഞ്ചായത്ത്, കുടുംബശ്രീ, സിഡിഎഎസ് എന്നിവരുടെ നേതൃത്വത്തില്‍ വനിതക്കള്‍ക്കായി ടൈയലറിങ് ആന്‍ഡ് ഫാഷന്‍ ഡിസൈനിങില്‍ സംരഭകത്വ പരിശീലന പരിപാടി നടത്തി.  കാമാക്ഷി പഞ്ചായത്ത് കമ്യൂണിറ്റി ഹാളില്‍ നടന്ന പരിപാടി ജില്ലാ ആസൂത്രണസമിതി  ഉപാധ്യക്ഷന്‍ സി വി വര്‍ഗീസ് ഉദ്ഘാടനം ചെയ്തു. പഞ്ചായത്ത് പ്രസിഡന്റ് അനുമോള്‍ തോമസ് അധ്യക്ഷയായി. കുടുംബശ്രീ ജില്ലാ മിഷന്‍ അസിസ്റ്റന്റ് കോ-ഓര്‍ഡിനേറ്റര്‍ ജി ഷിബു മുഖ്യപ്രഭാക്ഷണം നടത്തി. നെടുങ്കണ്ടം പോളിടെക്നിക്ക് കോളേജ് സിഇസി മാനേജര്‍ ജയന്‍ പി വിജയന്‍ പദ്ധതി വിശദീകരണം നടത്തി. കാമാക്ഷി പഞ്ചായത്ത് വൈസ് പ്രസിഡന്റ് റെജി മുക്കാട്ട്, പഞ്ചായത്തംഗം ജോസ് തൈച്ചേരി, സിഡിഎസ് ചെയര്‍പേര്‍സണ്‍ ലിസി മാത്യു, കോളേജ് പ്രിന്‍സിപ്പല്‍ ഡോ. അരുണ്‍ തോമസ്, കോഴ്സ് കോ-ഒര്‍ഡിനേറ്റര്‍ അര്‍ജുന്‍ രാജു, പബ്ലിക് ലൈബ്രറി പ്രസിഡന്റ് കെ എസ് മോഹനന്‍ എന്നിവര്‍ സംസാരിച്ചു.