വട്ടവട പഞ്ചായത്തില്‍ കോണ്‍ഗ്രസ് ഹര്‍ത്താല്‍ 4ന്
വട്ടവട പഞ്ചായത്തില്‍ കോണ്‍ഗ്രസ് ഹര്‍ത്താല്‍ 4ന്
ഇടുക്കി: വട്ടവട പഞ്ചായത്തില്‍ തകര്‍ന്ന റോഡുകള്‍ നന്നാക്കാത്തതില്‍ പ്രതിഷേധിച്ച് കോണ്‍ഗ്രസ് ഹര്‍ത്താല്‍ 4ന്. രാവിലെ 6 മുതല്‍ വൈകിട്ട് 5 വരെയാണ് ഹര്‍ത്താല്‍. അവശ്യസര്‍വീസുകളെ ഒഴിവാക്കും. തകര്‍ന്നുകിടക്കുന്ന വിവിധ റോഡുകളുടെ ടാറിങ് ജോലികള്‍ നടത്തണമെന്നാവശ്യം കഴിഞ്ഞ കുറെക്കാലങ്ങളായി നിലനില്‍ക്കുന്നതാണ്. നിര്‍മാണം സംബന്ധിച്ച് ഇടയ്ക്കിടെ പ്രഖ്യാപനങ്ങള്‍ നടത്താറുണ്ടെങ്കിലും നടപടിയില്ല. പഴത്തോട്ടം, ചിലന്തിയാര്‍, സ്വാമിയാറളകുടി, കൂടലാര്‍കുടി, വത്സപ്പെട്ടികുടി തുടങ്ങിയ പഞ്ചായത്തുകളിലെ റോഡുകളെല്ലാം തകര്‍ന്ന സ്ഥിതിയിലാണ്. ആശുപത്രിയിലേയ്ക്കും സ്‌കൂളിലേയ്ക്കും മറ്റിതര ആവശ്യങ്ങള്‍ക്കുമായുള്ള ഗ്രാമവാസികളുടെ യാത്ര ദുഷ്‌ക്കരമാണ്. ഈ സാഹചര്യത്തിലാണ് റോഡ് നിര്‍മാണം ആവശ്യപ്പെട്ട് കോണ്‍ഗ്രസ് പ്രതിഷേധം നടത്തുന്നത്. തകര്‍ന്നുകിടക്കുന്ന റോഡുകള്‍ വട്ടവടയുടെ കാര്‍ഷിക മേഖലയ്ക്കും വിനോദസഞ്ചാര മേഖലയ്ക്കും വലിയ തിരിച്ചടിയാണ് സമ്മാനിക്കുന്നതെന്നും ഇനിയും റോഡ് നിര്‍മാണം സാധ്യമായില്ലെങ്കില്‍ ശക്തമായ പ്രതിഷേധ പരിപാടികളുമായി മുമ്പോട്ട് പോകുമെന്നും നേതാക്കള്‍ പറഞ്ഞു.
What's Your Reaction?
