മുതിരപ്പുഴയാറിന് കുറുകെ പുതിയ പാലം നിര്‍മാണം തുടങ്ങി: പോതമേട്ടിലുള്ള യാത്രാക്ലേശത്തിന് പരിഹാരമാകുന്നു
മുതിരപ്പുഴയാറിന് കുറുകെ പുതിയ പാലം നിര്‍മാണം തുടങ്ങി: പോതമേട്ടിലുള്ള യാത്രാക്ലേശത്തിന് പരിഹാരമാകുന്നു
ഇടുക്കി: മുതിരപ്പുഴയാറിന് കുറുകെ പുതിയ പാലത്തിന്റെ നിര്‍മാണം ആരംഭിച്ചതോടെ പോതമേട് സ്വദേശികളുടെ വര്‍ഷങ്ങളായുള്ള കാത്തിരിപ്പിന് അവസാനിക്കുന്നു. മൂന്നാര്‍ ഹെഡ് വര്ക്ക്സ് ഡാമിന് താഴെനിന്ന് മുതിരപ്പുഴയാറിന് കുറുകെ പോതമേട് റോഡിനെ ബന്ധിപ്പിച്ചുള്ള പാലമാണ് 6.80 കോടി രൂപ മുതല്‍മുടക്കില്‍ നിര്‍മിക്കുന്നത്. 3 മാസത്തിനുള്ളില്‍ നിര്‍മാണം പൂര്‍ത്തീകരിക്കുമെന്ന് അഡ്വ. എ രാജ എംഎല്‍എ പറഞ്ഞു. പുതിയ പാലം നാട്ടുകാരുടെ വര്‍ഷങ്ങളായുള്ള ആവശ്യമായിരുന്നു. നിര്‍മാണം പൂര്‍ത്തിയാകുന്നതോടെ പോതമേടിന്റെ വിനോദ സഞ്ചാര സാധ്യതകളും വര്‍ധിക്കും. നിലവില്‍ ഹെഡ് വര്ക്ക്സ് അണക്കെട്ടിന് മുകളിലൂടെയാണ് പോതമേട്ടിലേക്ക് ആളുകള്‍ യാത്ര ചെയ്യുന്നത്. ഇടുങ്ങിയ പാലമായതിനാല്‍ ചെറുവാഹനങ്ങള്‍ക്ക് മാത്രമേ കടന്നുപോകാനാകൂ. ഇത് ഗതാഗതകുരുക്കിനും കാരണമാകുന്നു. പുതിയ പാലം യാഥാര്‍ഥ്യമാകുന്നതോടെ യാത്രാക്ലേശത്തിന് പരിഹാരമാകും.
What's Your Reaction?
