ഇടുക്കി: കട്ടപ്പന നഗരസഭ പരിധിയിലെ കൊച്ചുതോവാള -പൂവേഴ്‌സ് മൗണ്ട് റോഡ് നവീകരണം പൂര്‍ത്തിയാക്കി തുറന്നുനല്‍കി. വാര്‍ഡ് കൗണ്‍സിലര്‍ സിബി പാറപ്പായി ഉദ്ഘാനം ചെയ്തു. 2023- 24, 2024 -25 വാര്‍ഷിക പദ്ധതികളിലുള്‍പ്പെടുത്തി 2 ഘട്ടമായാണ് റോഡ് നവീകരിച്ചത്. 18 ലക്ഷം രൂപയാണ് നിര്‍മാണ ചെലവ്. ദുര്‍ഘടമായി കിടക്കുന്ന റോഡിന്റെ 128 മീറ്റര്‍ അറ്റകുറ്റപ്പണികള്‍ നടത്തുന്നതിനായി 6 ലക്ഷം രൂപ അനുവദിച്ചു. മേഖലയിലെ കുടിവെള്ള പദ്ധതിക്കായി 4 ലക്ഷം രൂപയും അനുവദിച്ചു. മോട്ടോറും പൈപ്പുകളും ഇറക്കി ഉടന്‍തന്നെ പദ്ധതി നടപ്പിലാക്കുമെന്നും സിബി പാറപ്പായി പറഞ്ഞു. ജോസ് ഏത്തയ്ക്കാട്ട്, അനില്‍കുമാര്‍ മങ്ങാട്ടുകാവില്‍, രതീഷ് ഒരുപ്പക്കാട്ട്, ഓമന വാഴയില്‍, മനോജ് ഇല്ലിമൂട്ടില്‍, മനോജ് തുണ്ടത്തില്‍, ജേക്കബ് ഊര്യകുന്നത്ത് തുടങ്ങിയവര്‍ നേതൃത്വം നല്‍കി.