ഇടുക്കി: മാങ്കുളം ആനക്കുളം പേമരം വളവില്‍ വിനോദസഞ്ചാരികളുമായി വന്ന ട്രാവലര്‍ താഴ്ചയിലേക്ക് മറിഞ്ഞു. നിരവധിപേര്‍ക്ക് പരിക്കേറ്റതായാണ് വിവരം. പാലക്കാട്ടുനിന്ന് ആനക്കുളത്തെത്തിയവരാണ് അപകടത്തില്‍പ്പെട്ടത്. ഇവരെ അടിമാലിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. തിങ്കളാഴ്ച ഉച്ചകഴിഞ്ഞ് 3.30ഓടെയാണ് അപകടം. ആനക്കുളത്ത് ബുക്ക് ചെയ്തിരുന്ന താമസസ്ഥലത്തേയ്ക്ക് പോകുന്നതിനിടെ ഇറക്കത്തില്‍ വാഹനം നിയന്ത്രണം നഷ്ടമായി കൊക്കയിലേക്ക് തലകീഴായി മറിയുകയായിരുന്നു. ക്രാഷ് ബാരിയര്‍ തകര്‍ത്താണ് താഴ്ചയിലേക്ക് മറിഞ്ഞത്. അപകടം നടന്നയുടന്‍ പ്രദേശവാസികള്‍ രക്ഷാപ്രവര്‍ത്തനം നടത്തി. വളവില്‍ മുമ്പും അപകടങ്ങള്‍ ഉണ്ടായിട്ടുണ്ട്. തുടര്‍ന്ന് വളവിന് വീതികൂട്ടുകയും ക്രാഷ് ബാരിയറുകളും അപകട മുന്നറിയിപ്പ് ബോര്‍ഡുകള്‍ സ്ഥാപിക്കുകയും ചെയ്തു.