ഇടുക്കി: വെള്ളയാംകുടി സമന്വയ റെസിഡന്റ്സ് അസോസിയേഷന്‍ വാര്‍ഷികവും കുടുംബസംഗമവും  നഗരസഭ ചെയര്‍പേഴ്സണ്‍ ബീനാ ടോമി ഉദ്ഘാടനം ചെയ്തു. കുടുംബ സാമൂഹ്യ ബന്ധങ്ങളില്‍ ലഹരിയുടെ സ്വാധീനം എന്ന വിഷയത്തില്‍ റിട്ട. എക്സൈസ് പ്രിവന്റീവ് ഓഫീസര്‍ അബ്ദുള്‍ ജബ്ബാര്‍ ക്ലാസ് നയിച്ചു. യോഗത്തില്‍ ലഹരിക്കെതിരെ കുട്ടികള്‍ ദീപം തെളിയിച്ചു. തുടര്‍ന്ന് വിവിധ മേഖലകളില്‍ മികവ് തെളിയിച്ചവരെ അനുമോദിച്ചു. പി ജെ ജോസഫ് അധ്യക്ഷനായി. നഗരസഭ വൈസ് ചെയര്‍മാന്‍ അഡ്വ. കെ ജെ ബെന്നി മുഖ്യപ്രഭാഷണം നടത്തി. നഗരസഭ കൗണ്‍സിലര്‍ ബീനാ ജോബി, പബ്ലിക് പ്രോസിക്യൂട്ടര്‍ അഡ്വ. വി എസ് അഭിലാഷ് തുടങ്ങിയവര്‍ സംസാരിച്ചു. വിവിധ കലാപരിപാടികള്‍, ഗാനമേള, സ്നേഹവിരുന്ന് എന്നിവയും പരിപാടിയുടെ ഭാഗമായി ഉണ്ടായിരുന്നു.