.jpeg)
കാഞ്ചിയാറില്‍ മാര്‍ഗദര്‍ശനി 2025 നടത്തി
കാഞ്ചിയാറില്‍ മാര്‍ഗദര്‍ശനി 2025 നടത്തി
ഇടുക്കി: കാഞ്ചിയാര്‍ പഞ്ചായത്തും കാഞ്ചിയാര്‍ വ്യാപാരി വ്യവസായി സമിതിയും ഏകോപനസമിതിയും പഴ്‌സ്യു അക്കാദമിയും ചേര്‍ന്ന് മാര്‍ഗദര്‍ശനി 2025 സംഘടിപ്പിച്ചു. പഞ്ചായത്ത് പ്രസിഡന്റ് സുരേഷ് കുഴിക്കാട്ടില്‍ ഉദ്ഘാടനം ചെയ്തു. പ്ലസ് ടു കഴിഞ്ഞ് ഉപരിപഠനത്തിന് തയാറെടുക്കുന്ന വിദ്യാര്‍ഥികള്‍ക്കായി ബോധവല്‍ക്കരണ ക്ലാസ്‌നടന്നു. പുതിയ കോഴ്‌സുകള്‍, ജോലി സാധ്യതയുള്ള കോഴ്‌സ് എങ്ങനെ തെരഞ്ഞെടുക്കാം, അഡ്മിഷന്‍ ക്രൈറ്റീരിയ എന്തെല്ലാം, എജുക്കേഷന്‍ ലോണ്‍ എങ്ങനെ ലഭിക്കും, സ്‌കോളര്‍ഷിപ്പുകള്‍ എവിടെ ലഭ്യമാണ് തുടങ്ങിയ വിഷയങ്ങളില്‍ ജില്‍സ് മാത്യു,
മാര്‍ട്ടിന്‍ പൗലോസ് എന്നിവര്‍ ക്ലാസെടുത്തു. സിബിഎസ്ഇ, സ്റ്റേറ്റ് പത്താം ക്ലാസ് വിജയികളെ മോമെന്റോ നല്‍കി അനുമോദിച്ചു. തെരഞ്ഞെടുക്കുന്ന അഞ്ചു കുട്ടികള്‍ക്ക് അക്കാദമി ഒരുലക്ഷം രൂപ പഠന സഹായവും വാഗ്ദാനം ചെയ്തു. വ്യാപാരി വ്യവസായി സമിതി പ്രസിഡന്റ് ബാബു സ്‌കറിയ അഞ്ചാനി മുഖ്യപ്രഭാഷണം നടത്തി. പഞ്ചായത്ത് അംഗങ്ങളായ സന്ധ്യ ജയന്‍, തങ്കമണി സുരേന്ദ്രന്‍ എന്നിവര്‍ സംസാരിച്ചു.
What's Your Reaction?
