ഇടുക്കി: തദ്ദേശ സ്വയംഭരണ സ്ഥാപനങ്ങളില്‍ രൂപീകരിച്ചിട്ടുള്ള എമര്‍ജന്‍സി റെസ്പോണ്‍സ് ടീമുകളില്‍ ഫസ്റ്റ് എയ്ഡ്, റെസ്‌ക്യൂ ടീമുകള്‍ക്കുള്ള പരിശീലനം ഇളംദേശം ബ്ലോക്ക് പഞ്ചായത്ത് ഓഡിറ്റോറിയത്തില്‍ നടന്നു. ഇളംദേശം ബ്ലോക്ക് പഞ്ചായത്ത് പ്രസിഡന്റ് ടോമി തോമസ് കാവാലം ഉദ്ഘാടനം ചെയ്തു. വെള്ളിയാമറ്റം, കുടയത്തൂര്‍, ആലക്കോട്, കരിമണ്ണൂര്‍, ഉടുമ്പന്നൂര്‍, കോടിക്കുളം, വണ്ണപ്പുറം എന്നീ പഞ്ചായത്തുകളിലെ ടീമുകള്‍ക്കാണ് പരിശീലനം നല്‍കിയത്. തൊടുപുഴ ഫയര്‍സ്റ്റേഷന്‍ ഉദ്യോഗസ്ഥരായ സച്ചിന്‍ സാജന്‍, ബിപിന്‍ തങ്കപ്പന്‍, ഇളംദേശം സി.എച്ച്.സി. ഡോ.മെറീന ജോര്‍ജ്, എപിഡമോളജിസ്റ്റ് ആശാമോള്‍ കെ.ജെ എന്നിവര്‍ ക്ലാസെടുത്തു. കാലവര്‍ഷക്കെടുതിയില്‍ ഉണ്ടാകാറുള്ള വൈദ്യുതി സംബന്ധിച്ച അപകങ്ങളെക്കുറിച്ച് കെ.എസ്.ഇ.ബി ഇലക്ട്രിക്കല്‍ സെക്ഷന്‍ ആലക്കോട് സബ് എന്‍ജിനീയര്‍ ഗ്ളോമിഷ വി.എസ് ക്ലാസെടുത്തു. ഇളംദ്ദേശം ബ്ലോക്ക് പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍  ആന്‍സി സോജന്‍, ബ്ലോക്ക് പഞ്ചായത്തംഗം ഷൈനി സന്തോഷ്, ബി.ഡി.ഒ എ.ജെ അജയ്, ജി.ഇ.ഒ. എം.എം സുമേഷ് തുടങ്ങിയവര്‍ സംസാരിച്ചു.