ഇടുക്കി: ലോക്‌സഭ മണ്ഡലത്തില്‍ നാമനിര്‍ദ്ദേശ പത്രികകളുടെ സൂക്ഷ്മ പരിശോധന പൂര്‍ത്തിയായപ്പോള്‍ എട്ട് സ്ഥാനാര്‍ത്ഥികള്‍ രംഗത്ത്. 12 പേരാണ് പത്രിക സമര്‍പ്പിച്ചിരുന്നത് . സൂക്ഷ്മ പരിശോധനയില്‍ 4 സ്ഥാനാര്‍ത്ഥികളുടെ നാമനിര്‍ദേശ പത്രികകള്‍ തള്ളി. ഡമ്മി സ്ഥാനാര്‍ത്ഥികളുടെ പത്രികകളും തള്ളിയവയില്‍ ഉള്‍പ്പെടുന്നു. മണ്ഡലം വരണാധികാരിയും ജില്ലാ കലക്ടറുമായ ഷീബ ജോര്‍ജ്ജിന്റെ നേതൃത്വത്തിലാണ് സൂക്ഷ്മ പരിശോധന നടപടികള്‍ പൂര്‍ത്തിയാക്കിയത്. സ്ഥാനാര്‍ത്ഥികള്‍ പത്രിക സമര്‍പ്പിച്ച ക്രമത്തിലായിരുന്നു പരിശോധന. ഏപ്രില്‍ 8 ആണ് പത്രിക പിന്‍വലിക്കാനുള്ള അവസാന തീയതി. അതിന് ശേഷം മണ്ഡലത്തിലെ അന്തിമ സ്ഥാനാര്‍ത്ഥി പട്ടിക നിലവില്‍ വരും.

ഇടുക്കി മണ്ഡലത്തിലെ സ്ഥാനാര്‍ത്ഥികളുടെ പട്ടിക ചുവടെ

1. അഡ്വ. ജോയ്‌സ് ജോര്‍ജ് (സി പി ഐ (എം))
2. അഡ്വ. ഡീന്‍ കുര്യാക്കോസ് ( ഇന്ത്യന്‍ നാഷണല്‍ കോണ്‍ഗ്രസ്)
3 .റസല്‍ ജോയ് (ബഹുജന്‍ സമാജ് പാര്‍ട്ടി)
4. സജി ഷാജി ( വിടുതലൈ ചിരുതൈകള്‍ കച്ചി)
5 .അഡ്വ. സംഗീത വിശ്വനാഥന്‍ (ഭാരത് ധര്‍മജന സേന )
6 .ജോമോന്‍ ജോണ്‍ (സ്വതന്ത്രന്‍)
7 .മനേഷ് (സ്വതന്ത്രന്‍)
8 .പി കെ സജീവന്‍ ( (സ്വതന്ത്രന്‍)