വെള്ളത്തൂവലില്‍ ഞാറ്റുവേല ചന്ത നടത്തി
വെള്ളത്തൂവലില്‍ ഞാറ്റുവേല ചന്ത നടത്തി
ഇടുക്കി: വെള്ളത്തൂവല്‍ കൃഷിഭവനും വെള്ളത്തൂവല്‍ പഞ്ചായത്തും കര്‍ഷകസഭയും ചേര്‍ന്ന് ഞാറ്റുവേല ചന്ത സംഘടിപ്പിച്ചു. പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍പേഴ്സണ്‍ ഷിബി എല്‍ദോസ് ഉദ്ഘാടനം ചെയ്തു. ഓണത്തിന് വിഷരഹിത പച്ചക്കറി ഉല്‍പാദിപ്പിക്കാന്‍ പച്ചക്കറി കൃഷിയിറക്കുന്ന കര്‍ഷകര്‍ക്ക് കൂടുതല്‍ പിന്തുണയും പ്രോത്സാഹനവും നല്‍കുന്നതിനായിട്ടാണ് ഞാറ്റുവേല ചന്ത നടത്തിയത്. പഞ്ചായത്തംഗം കെ ബി ജോണ്‍സന്‍ അധ്യക്ഷനായി. അടിമാലി കൃഷിഭവന്‍ അസിസ്റ്റന്റ് കൃഷി ഓഫീസര്‍ മത്തായി ക്ലാസ് നയിച്ചു. വൈസ് പ്രസിഡന്റ് കെ ആര്‍ ജയന്‍, വെള്ളത്തൂവല്‍ കൃഷി ഓഫീസര്‍ പ്രിയ പീറ്റര്‍ എന്നിവര്‍ സംസാരിച്ചു. പങ്കെടുത്ത കര്‍ഷകര്‍ക്ക് പച്ചക്കറിത്തൈകള്‍, ജൈവ ജീവാണു കീടനാശിനികള്‍ എന്നിവ വിതരണം ചെയ്തു.
What's Your Reaction?
