ഇടുക്കി: യുഡിഎഫ് സ്ഥാനാര്‍ഥി അഡ്വ. ഡീന്‍ കുര്യാക്കോസ് ബുധനാഴ്ച നാമനിര്‍ദേശ പത്രിക നല്‍കും. ഉച്ചകഴിഞ്ഞ് രണ്ടിന് വരണാധികാരി കൂടിയായ കലക്ടര്‍ ഷീബാ ജോര്‍ജിന് പത്രിക സമര്‍പ്പിക്കും. മുന്‍ എംഎല്‍എ എ കെ മണിയുടെ നേതൃത്വത്തില്‍ മൂന്നാറിലെ തോട്ടം തൊഴിലാളികള്‍ സമാഹരിച്ചുനല്‍കിയ തുകയാണ് കെട്ടിവയ്ക്കുന്നതിനായി നല്‍കുന്നത്. ജില്ലയിലെ യുഡിഎഫ് നേതാക്കളും പ്രവര്‍ത്തകരും ഒപ്പമുണ്ടാകും. രാവിലെ വീട്ടില്‍ നിന്ന് വെള്ളപ്പാറ കൊലുമ്പന്‍ സമാധിയില്‍ പുഷ്പാര്‍ച്ചന നടത്തും. തുടര്‍ന്ന് ചെറുതോണിയിലെ ഡിസിസി ഓഫീസില്‍ നടക്കുന്ന  യുഡിഎഫ് നേതൃയോഗത്തില്‍ പങ്കെടുക്കും.