സെലക്ഷന്‍ ചെസ് ടൂര്‍ണമെന്റ് : അഭിഷേകും ശ്രീവര്‍ഷിണിയും ചാമ്പ്യന്‍മാര്‍
സെലക്ഷന്‍ ചെസ് ടൂര്‍ണമെന്റ് : അഭിഷേകും ശ്രീവര്‍ഷിണിയും ചാമ്പ്യന്‍മാര്‍
ഇടുക്കി: കേരള സ്റ്റേറ്റ് സ്പോര്‍ട്സ് കൗണ്‍സില്‍ സ്റ്റേറ്റ് ചെസ് ടെക്നിക്കല് കമ്മിറ്റി നടത്തിയ ഇടുക്കി ജില്ലാ അണ്ടര്‍ 15 സെലക്ഷന്‍ ചെസ് ടൂര്‍ണമെന്റ് കട്ടപ്പനയില്‍ നടന്നു. ഓപ്പണ്‍ വിഭാഗത്തില്‍ പാറത്തോട് സെന്റ് ജോര്‍ജ് ഹയര്‍സെക്കണ്ടറി സ്‌കൂളിലെ അഭിഷേക് മനോജും പെണ്‍കുട്ടികളുടെ വിഭാഗത്തില്‍ തൊടുപുഴ കുമാരമംഗലം എംകെഎന്‍എം ഹയര്‍സെക്കണ്ടറി സ്‌കൂളിലെ ശ്രീവര്‍ഷിണി ടി അനുവും ഒന്നാം സ്ഥാനം നേടി വിജയികളായി. ഓപ്പണ്‍ വിഭാഗത്തില്‍ എന്‍ആര്‍സിറ്റി എസ്എന്‍വി ഹയര്‍സെക്കണ്ടറി സ്‌കൂളിലെ ദേവദത്തന്‍ സുഭാഷ് രണ്ടാം സ്ഥാനവും കട്ടപ്പന ഡോണ്‍ ബോസ്‌കോ സെന്‍ട്രല്‍ സ്‌കൂളിലെ ജോഹാന്‍ സി ജിന്‍സണ്‍ മൂന്നാം സ്ഥാനവും അണക്കര മോണ്‍ഫോര്‍ട്ട് സ്‌കൂളിലെ ജോഹാന്‍ ജെയ്‌സണ്‍ നാലാം സ്ഥാനവും കരസ്ഥമാക്കി. പെണ്‍കുട്ടികളുടെ വിഭാഗത്തില്‍ രാജമുടി ഡിപോള്‍ പബ്ലിക് സ്‌കൂളിലെ സിയാ സിജു രണ്ടാം സ്ഥാനവും കല്ലാര്‍ ഗവ. ഹയര്‍ സെക്കണ്ടറി സ്‌കൂളിലെ ജയശ്രീ ജയന്‍ മൂന്നാം സ്ഥാനവും രാമക്കല്‍മേട് സേക്രെഡ് ഹാര്‍ട്ട് ഹൈസ്‌കൂളിലെ ഐറിന്‍ സോജി നാലാം സ്ഥാനവും നേടി വിജയികളായി. വിജയികള്‍ സംസ്ഥാന മത്സരത്തില്‍ ജില്ലയെ പ്രതിനിധീകരിച്ചു പങ്കെടുക്കും. ചെസ് ടെക്നിക്കല് കമ്മിറ്റി ജില്ലാ ചെയര്‍മാന്‍ രാജന്‍ കെ എന്‍, വൈസ് ചെയര്‍മാന്‍ ജോബി ജോസ്, തോമസ് കരോട്ട്, റോബി കെ രാജു എന്നിവര്‍ നേതൃത്വം നല്‍കി.
What's Your Reaction?
