ഇടുക്കി: അടിമാലി വിശ്വദീപ്തി പബ്ലിക് സ്‌കൂളില്‍ സ്വാതന്ത്രദിനാഘോഷം നടത്തി. അടിമാലി എക്സൈസ് ഇന്‍സ്പെക്ടര്‍ അവിന്‍ സാജ് മുഖ്യാതിഥിയായി. കിന്‍ഡര്‍ ഗാര്‍ഡന്‍ കുട്ടികളെ ഉള്‍പ്പെടുത്തിയായിരുന്നു ആഘോഷ പരിപാടികള്‍ നടത്തിയത്. സ്വാതന്ത്രദിന സ്മരണ ഉണര്‍ത്തുന്നതിനും ദേശസ്നേഹം വളര്‍ത്തുന്നതിനുമാണ് സ്വാതന്ത്രദിനാഘോഷ പരിപാടികള്‍ നടത്തിയത്. സ്‌കൂള്‍ മാനേജര്‍ ഫാ. ഷിന്റോ കോലത്ത്പടവില്‍ സ്വാതന്ത്ര്യദിന സന്ദേശം നല്‍കി. സ്‌കൂള്‍ പ്രിന്‍സിപ്പല്‍ ഡോ. ഫാ. രാജേഷ് ജോര്‍ജ്, വൈസ് പ്രിന്‍സിപ്പല്‍ ഫാ. ജിയോ ജോസ്, കിന്‍ഡര്‍ ഗാര്‍ഡന്‍ കോ ഓര്‍ഡിനേറ്റര്‍ നീന ജിന്‍ജോ തുടങ്ങിയവര്‍ സംസാരിച്ചു. കുട്ടികളുടെ വിവിധ പരിപാടികള്‍ നടത്തി. പ്രശ്ചന്നവേഷ മത്സരമടക്കം കുട്ടികള്‍ക്കായി വിവിധ മത്സരങ്ങളും ഒരുക്കിയിരുന്നു.