കല്യാണത്തണ്ട് മഹാദേവ ക്ഷേത്രത്തിലെ പൂര്‍ണകായ മഹാദേവ ശില്പം അനാച്ഛാദനം ചെയ്തു
കല്യാണത്തണ്ട് മഹാദേവ ക്ഷേത്രത്തിലെ പൂര്‍ണകായ മഹാദേവ ശില്പം അനാച്ഛാദനം ചെയ്തു
ഇടുക്കി: ഹൈറേഞ്ചില്‍ ഏറ്റവും ഉയരത്തില്‍ സ്ഥിതി ചെയ്യുന്ന പൂര്‍ണകായ മഹാദേവ ശില്പം കട്ടപ്പന കല്യാണത്തണ്ട് മഹാദേവ ക്ഷേത്രത്തില്‍ അനാച്ഛാദനം ചെയ്തു. കോവില്‍മല രാജാവ് രാമന്‍രാജ മന്നന്‍ ശില്പം അനാച്ഛാദനം ചെയ്തു. ക്ഷേത്രം ഭരണസമിതി പ്രസിഡന്റ് പി ബി രാധാകൃഷ്ണന്‍ അധ്യക്ഷനായി. കല്യാണത്തണ്ട് ശ്രീ മഹാദേവക്ഷേത്രത്തില്‍ 20 അടി ഉയരത്തിലുള്ള മഹാദേവന്റെ ശില്പമാണ് അനാച്ഛാദനം ചെയ്തത്. ശില്പം നിര്‍മിച്ച വിജില്‍ ടി ബാലനെ രാഷ്ട്രീയ സ്വയംസേവക സംഘം പ്രാന്തിയ ശാരീരിക ശിക്ഷക് പ്രമുഖ് പി പ്രമോദ് പൊന്നാടയും പ്രശസ്തിപത്രവും നല്‍കി ആദരിച്ചു. നഗരസഭ കൗണ്‍സിലര്‍മാരായ ബീന ജോബി, രജിത രമേഷ്, തങ്കച്ചന്‍ പുരയിടം, ക്ഷേത്രം പ്രസിഡന്റ് പി ബി രാധാകൃഷ്ണന്‍, ഭരണസമിതിയംഗം രാഹുല്‍ സുകുമാരന്‍, രാഷ്ട്രീയ സ്വയംസേവ സംഘം വിഭാഗ് കാര്യവാഹ് എം ടി ഷിബു, വിശ്വകര്‍മ ശാഖാ പ്രസിഡന്റ് സി എന്‍ രാജപ്പന്‍, അയ്യപ്പ സേവാസംഘം ജില്ലാ പ്രസിഡന്റ് പ്രസാദ്, ടി സി ദേവസ്യ, ക്ഷേത്രം ഭരണസമിതിയംഗം രാഹുല്‍ സുകുമാരന്‍ എന്നിവര്‍ സംസാരിച്ചു.
What's Your Reaction?
