ഇടുക്കി: ഭൂപതിവ് ചട്ടഭേദഗതി പിന്‍വലിക്കണമെന്നാവശ്യപ്പെട്ട് കര്‍ഷക കോണ്‍ഗ്രസ് ജില്ലാ കമ്മിറ്റി 26ന് കര്‍ഷക മുന്നേറ്റപദയാത്ര നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ഉച്ചകഴിഞ്ഞ് 2ന് കരിമ്പനില്‍ നിന്നാരംഭിക്കുന്ന പദയാത്ര ഡീന്‍ കുര്യാക്കോസ് എംപി ഫ്‌ളാഗ് ഓഫ് ചെയ്യും. കര്‍ഷക കോണ്‍ഗ്രസ് സംസ്ഥാന പ്രസിഡന്റ് മാജുഷ് മാത്യു നേതൃത്വം നല്‍കും. വൈകിട്ട് 5ന് ചെറുതോണിയില്‍ നടക്കുന്ന സമാപന സമ്മേളനം മാത്യു കുഴല്‍നാടന്‍ എംഎല്‍എ ഉദ്ഘാടനം ചെയ്യും. ചട്ടഭേദഗതിയിലൂടെ ജില്ലയിലെ മുഴുവന്‍ ഭൂപ്രശ്നങ്ങള്‍ക്കും പരിഹാരമായി എന്ന് പറയുന്ന ഇടതുമുന്നണി നേതാക്കള്‍ ഏതെല്ലാം പ്രശ്നങ്ങളാണ് പരിഹരിച്ചതെന്ന് ജില്ലയിലെ കര്‍ഷക ജനതയെ ബോധ്യപ്പെടുത്താതെ വ്യാപകമായ കള്ള പ്രചരണങ്ങള്‍ നടത്തുകയാണ്. പതിറ്റാണ്ടുകളായി കൃഷി ചെയ്ത് ഉപജീവനം നടത്തുന്ന പട്ടയ ഭൂമിയില്‍ നിര്‍മിച്ച വീടിനുപോലും പണമടച്ചു ക്രമവല്‍കരണം നടത്തണമെന്ന ചട്ട ഭേദഗതി ഉള്‍പ്പെടെയുള്ള പരിഷ്‌കരിച്ച നിയമങ്ങളെല്ലാം നേതാക്കള്‍ക്കും ഉദ്യോഗസ്ഥര്‍ക്കും വന്‍ അഴിമതിക്കുള്ള അവസരം ഇടതുസര്‍ക്കാര്‍ ഉണ്ടാക്കി കൊടുത്തിരിക്കുന്നതോടെ ജില്ലയിലെ എല്ലാ വിഭാഗം ജനങ്ങളും വലിയ ആശങ്കയിലാണെന്നും നേതാക്കള്‍ പറഞ്ഞു. കെപിസിസി പ്രസിഡന്റ് അഡ്വ. സണ്ണി ജോസഫ്, എ പി അനില്‍കുമാര്‍, സിപി മാത്യു എന്നിവര്‍ സംസാരിക്കും. വാര്‍ത്താസമ്മേളനത്തില്‍ മാജൂസ് മാത്യു, ജോസ് മുത്തനാട്ട്, ടോമി പാലയ്ക്കല്‍, ബാബു അത്തിമൂട്ടില്‍, ജോസ് ആനക്കല്ലില്‍, പി എസ് മേരിദാസന്‍, അജയ് കളത്തുകുന്നേല്‍, ജോയി കുത്തനാപ്പള്ളി എന്നിവര്‍ പങ്കെടുത്തു.