ഇടുക്കി: അടിസ്ഥാന സൗകര്യമില്ലാതെ പ്രവര്‍ത്തിക്കുന്ന വെള്ളത്തൂവല്‍ പൊലീസ് സ്റ്റേഷന് പുതിയ കെട്ടിടം വേണമെന്നാവശ്യം. എസ്എച്ച്ഒയും 6 വനിതാ പൊലീസുകാരും ഉള്‍പ്പെടെ 38 പൊലീസ് ഉദ്യോഗസ്ഥരാണ് സ്റ്റേഷനിലുള്ളത്. വെള്ളത്തൂവല്‍, പള്ളിവാസല്‍, കൊന്നത്തടി പഞ്ചായത്തുകളും  5 വില്ലേജ് ഓഫീസുകളും ഇതിന്റെ പരിധിയിലുള്‍പ്പെടുന്നു. 2004ലാണ് പൊലീസ് സ്റ്റേ,ന് കെട്ടിടം നിര്‍മിക്കുന്നത്. നിര്‍മാണ ജോലികളില്‍ ദീര്‍ഘവീക്ഷണമില്ലാതെ വന്നതാണ് റോഡിനോട് ചേര്‍ന്ന കട്ടിങ്ങിന് മുകളിലായി കെട്ടിട നിര്‍മാണം നടത്തിയതെന്ന ആക്ഷേപം അന്ന് ഉയര്‍ന്നിരുന്നു. 2.25 ഏക്കര്‍ സ്ഥലം സ്വന്തമായുണ്ട്. എന്നാല്‍ സ്റ്റേഷനില്‍ എത്തുന്നവര്‍ക്ക് ഇരിക്കാന്‍ ആവശ്യത്തിന് സ്ഥല സൗകര്യം പോലും ഇവിടെയില്ല. ഈ സാഹചര്യത്തിലാണ് വെള്ളത്തൂവല്‍ പൊലീസ് സ്റ്റേഷന് സൗകര്യമുള്ള പുതിയ സ്റ്റേഷന്‍ കെട്ടിടം യാഥാര്‍ഥ്യമാക്കണമെന്ന ആവശ്യം ഉയര്‍ന്നിട്ടുള്ളത്.