കാഞ്ചിയാര്‍ ലയണ്‍സ് ക്ലബ് ഉദ്ഘാടനംചെയ്തു
കാഞ്ചിയാര്‍ ലയണ്‍സ് ക്ലബ് ഉദ്ഘാടനംചെയ്തു
ഇടുക്കി: ലയണ്‍സ് ഇന്റര്‍നാഷണല്‍ ഡിസ്ട്രിക്റ്റ് 318 സിക്കുകീഴില്‍ കാഞ്ചിയാര്‍ ലയണ്‍സ് ക്ലബ് പ്രവര്‍ത്തനമാരംഭിച്ചു. ലയണ്‍സ് ഡിസ്ട്രിക്റ്റ് ഗവര്‍ണര്‍ കെ ബി ഷൈന്‍കുമാര്‍ ഉദ്ഘാടനംചെയ്തു. ഉപ്പുതറ ലയണ്‍സ് ക്ലബ്ബ് പ്രസിഡന്റ് സജിന്‍ സ്‌കറിയ അധ്യക്ഷനായി. ഭാരവാഹികളും അംഗങ്ങളും സത്യപ്രതിജ്ഞ ചെയ്ത് ചുമതലയേറ്റു. ഡിസ്ട്രിക്റ്റ് ഒന്നാം വൈസ് ഗവര്‍ണര്‍ വി എസ് ജയേഷ്, രണ്ടാം വൈസ് ഗവര്‍ണര്‍ കെ പി പീറ്റര്‍ എന്നിവര്‍ സത്യപ്രതിജ്ഞയ്ക്ക് നേതൃത്വം നല്‍കി. നിര്‍ധന കുടുംബത്തിന് വീട് നിര്‍മിക്കാനുള്ള സ്ഥലം കാഞ്ചിയാര്‍ ലയണ്‍സ് ക്ലബ് സൗജന്യമായി നല്‍കിയതായി യോഗത്തില്‍ പ്രഖ്യാപിച്ചു. ക്യാബിനറ്റ് സെക്രട്ടറി സജി ചാമേലി, ട്രഷറര്‍ വര്‍ഗീസ് ജോസഫ്, ഡിസ്ട്രിക്ട് ചീഫ് പിആര്‍ഒ ജോര്‍ജ് തോമസ്, റീജിയന്‍ ചെയര്‍പേഴ്‌സണ്‍ റെജി ജോസഫ്, സോണ്‍ ചെയര്‍മാന്‍ ഫിലിപ്പ് ജോണ്‍, ജോയി സേവ്യര്‍, ബേബി ജോണ്‍, ഷിബി ഫിലിപ്പ്, എം കെ രാജു എന്നിവര്‍ സംസാരിച്ചു.
What's Your Reaction?
