ഉപ്പുതറ സിഎച്ച്‌സിയിലെ വിവിധ പദ്ധതികള്‍ ഉദ്ഘാടനംചെയ്തു: കിടത്തി ചികിത്സ പുനരാരംഭിച്ചു
ഉപ്പുതറ സിഎച്ച്‌സിയിലെ വിവിധ പദ്ധതികള്‍ ഉദ്ഘാടനംചെയ്തു: കിടത്തി ചികിത്സ പുനരാരംഭിച്ചു
ഇടുക്കി: ഉപ്പുതറ സിഎച്ച്‌സിയിലെ ഫാര്‍മസിയുടെ പ്രവര്‍ത്തനോദ്ഘാടനം കട്ടപ്പന ബ്ലോക്ക് പഞ്ചായത്ത് പ്രസിഡന്റ് വി പി ജോണ്‍ പരിപാടി നിര്‍വഹിച്ചു. ഇതോടൊപ്പം വിവിധ പദ്ധതികളുടെ നിര്‍മാണോദ്ഘാടനവും നടത്തി. ഒപി ബ്ലോക്ക്, ഇ ഹെല്‍ത്ത് കൗണ്ടര്‍, വാര്‍ഡുകളുടെ നവീകരണം, വെയിറ്റിങ് ഏരിയ, ലഘുഭക്ഷണശാല എന്നിവയാണ് പുതുതായി നിര്‍മിക്കുന്നത്. കൂടാതെ, തിങ്കളാഴ്ച മുതല്‍ കിടത്തി ചികിത്സയും പുനരാരംഭിച്ചു.
7 ഡോക്ടര്‍മാര്‍ നിലവില്‍ ആശുപത്രിയില്‍ സേവനമനുഷ്ഠിക്കുന്നു. നിരവധി പ്രതിഷേധങ്ങള്‍ക്കൊടുവില്‍ മൂന്നു കോടി രൂപയോളം ചെലവഴിച്ചാണ് ആശുപത്രി നവീകരിച്ചത്.
ഉപ്പുതറ പഞ്ചായത്ത് പ്രസിഡന്റ് കെ ജെ ജെയിംസ്, ജില്ലാ പഞ്ചായത്തംഗം ആശ ആന്റണി, ബ്ലോക്ക് വികസനകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ സബിത ബിനു, ബ്ലോക്ക് പഞ്ചായത്തംഗങ്ങളായ എം ടി മനോജ്, ജോസ് സ്‌കറിയ, ലാലച്ചന്‍ വെള്ളക്കട, ഹെല്‍ത്ത് സൂപ്പര്‍വൈസര്‍ കെ ടി ആന്റണി, കട്ടപ്പന ബിഡിഒ സുനില്‍ സെബാസ്റ്റ്യന്‍, സിഎച്ച്‌സി മെഡിക്കല്‍ ഓഫീസര്‍ മിനി മോഹന്‍ എന്നിവര്‍ സംസാരിച്ചു.
What's Your Reaction?
