ഇടുക്കി: എല്‍ഡിഎഫ് കഞ്ഞിക്കുഴി പഞ്ചായത്ത് കമ്മിറ്റിയുടെ വികസന മുന്നേറ്റയാത്ര സമാപിച്ചു. കഞ്ഞിക്കുഴിയില്‍ സമാപന സമ്മേളനം സിപിഐ എം ജില്ലാ സെക്രട്ടറി സി വി വര്‍ഗീസ് ഉദ്ഘാടനംചെയ്തു. സിബി പേന്താനം ജാഥാ ക്യാപ്റ്റനും സനീഷ് ജോസഫ് വൈസ് ക്യാപ്റ്റനുമായിരുന്നു. കീരിത്തോട്ടില്‍നിന്ന് ആരംഭിച്ച യാത്രയില്‍ ബിനു ടി ആര്‍ ക്യാപ്റ്റനും ജോഷി മാത്യു വൈസ് ക്യാപ്റ്റനുമായി. കേരള കോണ്‍ഗ്രസ് എം മണ്ഡലം പ്രസിഡന്റ് വാവച്ചന്‍ പെരുവിലങ്ങാട്ട് അധ്യക്ഷനായി. ലിസി ജോസ്, ഷിജു തൂങ്ങാല, ജോബി കുന്നത്തുപ്പറ, എബിന്‍ ജോസഫ്, ടി ഡി മനോജ്, ശശി കന്യാലില്‍, ബേബി ഐക്കര എന്നിവര്‍ സംസാരിച്ചു.