ഇടുക്കി: ഓര്‍ത്തഡോക്‌സ് സഭ ഇടുക്കി ഭദ്രാസനത്തിന്റെ സെന്റ് ജോസഫ് ഫോറം പ്രവര്‍ത്തനോദ്ഘാടനം മെത്രാപ്പോലീത്ത സഖറിയ മാര്‍ സേവേറിയാസ് നിര്‍വഹിച്ചു. ചക്കുപള്ളം ഗത്സിമോന്‍ അരമനയില്‍ ഭദ്രാസന വൈസ് പ്രസിഡന്റ് എ വി കുര്യന്‍ കോര്‍എപ്പിസ്‌കോപ്പാ അധ്യക്ഷനായി. അഖില മലങ്കര സെന്റ് ജോസഫ് ഫോറം ജനറല്‍ സെക്രട്ടറി ഡോ. മാത്യു പി ജോസഫ് പ്രവര്‍ത്തന മാര്‍ഗരേഖ അവതരിപ്പിച്ചു. സഭാ മാനേജിങ് കമ്മിറ്റിയംഗം ഫാ. കുറിയാക്കോസ് വര്‍ഗീസ്, ഫാ. ടി വി വര്‍ഗീസ്, സെന്റ് ജോസഫ് ഫോറം ഭദ്രാസന സെക്രട്ടറി സി കെ ജേക്കബ്, ജോയിന്റ് സെക്രട്ടറി എം എസ് ജോസഫ് എന്നിവര്‍ സംസാരിച്ചു. ജോയിന്റ് സെക്രട്ടറി ടെസി ബെഞ്ചമിന്‍, ട്രഷറര്‍ പി വി മര്‍ക്കോസ്, മേഖലാ സെക്രട്ടറിമാരായ വര്‍ഗീസ് ജോണ്‍, ആന്‍ഡ്രൂസ് വണ്ടാനത്തുവയലില്‍, വി പി മാത്തുണ്ണി, മറിയാമ്മ ആന്റണി എന്നിവര്‍ നേതൃത്വം നല്‍കി.