ഇടുക്കി: ഇരട്ടയാര്‍ സെന്റ് തോമസ് ഫെറോന പള്ളിയില്‍ വിശുദ്ധ തോമാശ്ലീഹയുടെയും വിശുദ്ധ സെബസ്ത്യാനോസിന്റെയും പരിശുദ്ധ കന്യകാമറിയത്തിന്റെയും സംയുക്ത തിരുനാള്‍ 30,31, ഫെബ്രുവരി 1 തീയതികളില്‍ നടക്കും. 30ന് രാവിലെ 6.15ന് കുര്‍ബാന, വൈകിട്ട് 4.30ന് ഫാ.സഖറിയാസ് കുമ്മണ്ണൂപറമ്പില്‍ കൊടിയേറ്റും തിരുസ്വരൂപ പ്രതിഷ്ഠയും നടത്തും. 4:45ന്  ഫാ. ജോര്‍ജ് നെടുംപറമ്പില്‍ മുഖ്യകാര്‍മികത്വം വഹിക്കുന്ന കുര്‍ബാനയും തുടര്‍ന്ന് സെമിത്തേരി സന്ദര്‍ശനവും മരിച്ചവര്‍ക്കുവേണ്ടിയുള്ള പ്രാര്‍ഥനയും വാഹന വെഞ്ചിരിപ്പും നടക്കും. ശനിയാഴ്ച രാവിലെ 6.15 ന് കുര്‍ബാന, വൈകിട്ട് 4ന് നൊവേന, ലദീഞ്ഞ്, 4.15ന് കുര്‍ബാന, ഫാ. തോംസണ്‍ കൂടപ്പാട്ട്, 5:45ന് ശാന്തിഗ്രാം കപ്പേളയിലേയ്ക്ക് പ്രദക്ഷിണം, സന്ദേശം ഫാ. മാത്യു പൊന്നമ്പേല്‍. ഫെബ്രുവരി 1ന് രാവിലെ 7 നും 8.15നും വി.കുര്‍ബാന,  വൈകിട്ട് 4ന് കുര്‍ബാന ഫാ. ജോജു അടമ്പക്കല്ലേല്‍, ഫാ.ജോയിസ് അഴിമുഖത്ത്, 6:15 ന് വിശ്വസ പ്രഘോഷണ റാലി, 7:30 ന് പ്രശസ്ത സിനിമ പിന്നണി ഗായകന്‍ ലിബിന്‍ സ്‌കറിയ നയിക്കുന്ന ലൈവ് മ്യൂസിക് ഷോ. വാര്‍ത്താസമ്മേളനത്തില്‍ അസിസ്റ്റന്റ് വികാരി ഫാ. പ്രിന്‍സ് പുളിയാങ്കല്‍, ജനറല്‍ കണ്‍വീനര്‍ സിജോ ഇലന്തൂര്‍, കൈക്കാരന്മാരായ പ്രദീപ് മാത്യു കുഴിപ്പള്ളി, ജോസ് കാവില്‍പുരയിടം, ഗോഡ്വിന്‍ മയിലാടുംപാറ എന്നിവര്‍ പങ്കെടുത്തു.