ഇടുക്കി: ചേറ്റുകുഴി നവജീവന്‍ പബ്ലിക് ലൈബ്രറി ആന്‍ഡ് സ്പോര്‍ട്സ് ക്ലബ് സംഘടിപ്പിച്ച  അന്തര്‍സംസ്ഥാന വോളിബോള്‍ ടൂര്‍ണമെന്റ് സമാപിച്ചു. പഞ്ചായത്ത് പ്രസിഡന്റ് സൂസന്‍ ജേക്കബ് സമാപന സമ്മേളനം ഉദ്ഘാടനംചെയ്തു. ഒന്നാം സ്ഥാനം നേടിയ ആന്‍സ് സ്പൈസസ് ചേറ്റുകുഴി ടീമിന് 75001 രൂപയും എവര്‍റോളിങ് ട്രോഫിയും രണ്ടാം സ്ഥാനം നേടിയ ആര്‍എംഎസ് കട്ടപ്പനയ്ക്ക്  50,001 രൂപയും എവര്‍റോളിങ് ട്രോഫിയും സമ്മാനിച്ചു. ഭാരവാഹികളായ സുരേഷ് മാനങ്കേരില്‍, കെ ടി ഭാസി, ജേക്കബ് ഇടപ്പാടിയില്‍, ജോമേഷ് ജോസഫ്, ജോസഫ് മഞ്ഞാടിയില്‍, ലാലിച്ചല്‍ ദേവസ്യ, സിബി നെടുവേലില്‍, മെറിന്‍ മാണി, ദീപു ചാലില്‍, ബിനു പാലത്താനത്ത്, മോന്‍സി മഠത്തില്‍, രഘുനാഥ് കുമ്പളന്താനം തുടങ്ങിയവര്‍ നേതൃത്വം നല്‍കി.