ഇടുക്കി: കൊട്ടാരക്കര-ദിണ്ടിക്കല്‍ ദേശീയപാതയില്‍ കുമളി 66 -ാം മൈലിനുസമീപം കാറും കെഎസ്ആര്‍ടിസി ബസും കൂട്ടിയിടിച്ച് ഒരാള്‍ മരിച്ചു. 4 പേര്‍ക്ക് പരിക്കേറ്റു. പത്തനംതിട്ട മൈലപ്ര സ്വദേശിനി സാലി തോമസ്(70 ) ആണ് മരിച്ചത്. ബുധനാഴ്ച രാവിലെ 6. 45ഓടെയാണ് അപകടം. പത്തനംതിട്ടയില്‍നിന്ന് വേളാങ്കണ്ണിക്കുപോയ കാറും കുമളിയില്‍നിന്ന് കോട്ടയത്തേക്ക് പോയ ബസുമാണ് അപകടത്തില്‍പ്പെട്ടത്. വളവ് തിരിയുന്നതിനിടെ ബസിന്റെ പിന്‍ഭാഗം കാറില്‍ ഇടിക്കുകയായിരുന്നു. മൃതദേഹം കുമളിയിലെ സ്വകാര്യ ആശുപത്രി മോര്‍ച്ചറിയില്‍. കുമളി പൊലീസ് സ്ഥലത്തെത്തി.