ഇടുക്കി: വണ്ടിപ്പെരിയാര്‍ ആഞ്ഞിലിക്കാവ് ഭഗവതി ക്ഷേത്രത്തില്‍ മോഷണം. ഓട്ട് ഉരുളി, വിളക്ക് വെള്ളിക്കുടം, നേര്‍ച്ചപ്പെട്ടി ഉള്‍പ്പെടെ 5 ലക്ഷം രൂപയുടെ സാധനങ്ങളാണ് മോഷ്ടിച്ചത്. മെച്ചേരിയില്‍ രവിയുടെ കുടുംബ ക്ഷേത്രത്തിലാണ് മോഷണം നടന്നത്. ക്ഷേത്രത്തിന്റെ വിളക്ക്,  നേര്‍ച്ചപ്പെട്ടി എന്നിവ സൂക്ഷിച്ചിരിക്കുന്ന മുറി കുത്തിത്തുറന്നാണ് മോഷണം. 15 ഓട്ട് വിളക്ക്, വലിയ ഉരുളി, 2 വെള്ളി കുടം, ചെറിയ നെയ്യ് വിളക്കുകള്‍, 5 പിച്ചള ചട്ടുകം, നേര്‍ച്ചപ്പെട്ടി എന്നിവയാണ് മോഷണം പോയത്. ദിവസവും രാവിലെ വിളക്ക് കത്തിക്കാന്‍ എത്തുന്ന വീരനാണ് സംഭവം ആദ്യം അറിയുന്നത്.  തുടര്‍ന്ന് നാട്ടുകാരെയും പൊലീസിലും വിവരം അറിയിച്ചു. തുടര്‍ന്ന് ഡോഗ് സ്‌ക്വാഡ്, വിരലടയാള വിദഗ്ധര്‍ എന്നിവര്‍ സ്ഥലത്തെത്തി പരിശോധന നടത്തി.