ഏലം കർഷകർക്കായ് ഏലം ബോര്‍ഡ് രൂപീകരിക്കണം: ഡീന്‍ കുര്യാക്കോസ്
ഏലം കർഷകർക്കായ് ഏലം ബോര്‍ഡ് രൂപീകരിക്കണം: ഡീന്‍ കുര്യാക്കോസ്
ഇടുക്കി :കേരളത്തിലെ ഏലം കൃഷിക്കാരെ സഹായിക്കുന്നതില്‍ സ്‌പൈസസ് ബോര്‍ഡ് പരാജയപ്പെട്ടതിന്റെ പശ്ചാത്തലത്തില്‍ സ്‌പൈസസ് ബോര്‍ഡില്‍ നിന്നും വേര്‍പ്പെടുത്തി ഏലം ബോര്‍ഡ് രൂപീകരിക്കണമെന്ന് ഡീന്‍ കുര്യാക്കോസ് എം പി. ചട്ടം 377 അനുസരിച്ച് ആണ് ലോക്‌സഭയില്‍ വിഷയം അവതരിപ്പിച്ചത്.
രാജ്യത്ത് ആകെയുള്ള ഏലം ഉല്‍പാദനത്തിന്റെ 70% ഇടുക്കി ജില്ലയില്‍ ആണ്. ഏലം ഉത്പാദനം വളരെയധികം പ്രതിസന്ധിയിലൂടെ കടന്നുപോകുന്ന സാഹചര്യത്തിലാണ് ഏലത്തിന് മാത്രമായി ബോര്‍ഡ് രൂപീകരിക്കണമെന്ന ആവശ്യം ഉയരുന്നത് .
നിലവില്‍ ഏലം കര്‍ഷകര്‍ക്ക് യാതൊരു തരത്തിലുമുള്ള ധനസഹായവും സ്‌പൈസസ് ബോര്‍ഡ് നല്‍കുന്നില്ല. കൃഷിക്കും, പരിപാലനത്തിനും വിപണി സാധ്യതകള്‍ മെച്ചപ്പെടുത്തുന്നതിനും, മെച്ചപ്പെട്ട വില ലഭിക്കുന്നതിനും വലിയ തോതിലുള്ള സഹായം ആവശ്യമാണ്. അതോടൊപ്പം കൂടുതല്‍ ശാസ്ത്രീയമായ പഠനങ്ങളും, സാങ്കേതിക പിന്തുണയും അനിവാര്യമാണ്. ഇതെല്ലാം ഉറപ്പു വരുത്തുന്ന കാര്യത്തില്‍ സ്‌പൈസസ് ബോര്‍ഡ് ദയനീയമായ പരാജയമാണ്. ഈ സാഹചര്യത്തില്‍ നാഷണല്‍ ടെര്‍മറിക് ബോര്‍ഡ് രൂപീകരിച്ചതു പോലെ, ഏലം മേഖലയുടെ നിലനില്‍പ്പിനും പുരോഗതിക്കും വേണ്ടി ഏലം ബോര്‍ഡ് യാഥാര്‍ത്ഥ്യമാക്കണമെന്നാണ് ഡീന്‍ കുര്യാക്കോസ് എംപി ആവശ്യപ്പെട്ടത്.
What's Your Reaction?
