ഇടുക്കി: നവജാത ശിശുക്കൾ മുതൽ അഞ്ച് വയസ്സ് വരെ പ്രായമുള്ള കുട്ടികൾക്കായുള്ള പൾസ് പോളിയോ ഇമ്മ്യുണൈസേഷൻ കട്ടപ്പന നഗരസഭാതല ഉദ്ഘാടനം നടന്നു. പുതിയ ബസ്റ്റാൻഡിൽ ചെയർപേഴ്സൺ ബീന ടോമി കുട്ടികൾക്ക് പോളിയോ നൽകി ഉദ്ഘാടനം ചെയ്തു.
കട്ടപ്പന നഗരസഭ, താലൂക്ക് ആശുപത്രി, സാമൂഹിക നീതി വകുപ്പ് എന്നിവയുടെ സഹകരണത്തോടെയാണ് പൾസ് പോളിയോ ഇമ്മ്യുണൈസേഷൻ സംഘടിപ്പിച്ചത്. കട്ടപ്പന നഗരസഭയിൽ 31 കേന്ദ്രങ്ങളിൽ പോളിയോ മരുന്ന് വിതരണംഏർപ്പെടുത്തിയിട്ടുണ്ട്. അതിഥി തൊഴിലാളികളുടെ കുട്ടികൾക്കും പോളിയോ മരുന്ന് നൽകുവാനുള്ള സൗകര്യംഏർപ്പെടുത്തിയിട്ടുണ്ട്. രാവിലെ 8 മുതൽ വൈകിട്ട് അഞ്ച് വരെയാണ് സമയം. താലൂക്ക് ആശുപത്രി സൂപ്രണ്ട് ഇൻ ചാർജ് ഡോ. ആൽബർട്ട്, ഹെൽത്ത്‌ ഇൻസ്പെക്ടർ പി കെ ദിലീപ്,പബ്ലിക് ഹെൽത്ത്‌ നഴ്സ് പി എം പുഷ്പകുമാരി എന്നിവരുടെ നേതൃത്വത്തിലാണ് ഇമ്മ്യുണൈസേഷൻ നടക്കുന്നത്.