ഹെലിബറിയ- മ്ലാമല റോഡ് നിര്‍മാണം മുടങ്ങി: പ്രതിഷേധവുമായി നാട്ടുകാര്‍
ഹെലിബറിയ- മ്ലാമല റോഡ് നിര്‍മാണം മുടങ്ങി: പ്രതിഷേധവുമായി നാട്ടുകാര്‍
ഇടുക്കി: ഏലപ്പാറ ഹെലിബറിയ-പൂണ്ടിക്കുളം-മ്ലാമല റോഡ് നിര്‍മാണം മുടങ്ങിയതില്‍ വ്യാപക പ്രതിഷേധം. പ്രശ്‌ന പരിഹാരത്തിനായി കലക്ടറെയും മറ്റ് ജനപ്രതിനിധികളെയും നേരില്‍ക്കാണാന്‍ സര്‍വകക്ഷി യോഗം തീരുമാനിച്ചു. വലിയ പ്രതിഷേധങ്ങള്‍ക്ക് ശേഷമാണ് ഹെലിബറിയ തോട്ടം മാനേജ്‌മെന്റിന്റെ അനുമതിയോടെ ഹെലിബറിയാ- പൂണ്ടിക്കുളം- മ്ലാമല റോഡ് നിര്‍മാണം തുടങ്ങിയത്. മണ്ണുപണികളും കലുങ്ക്, സംരക്ഷണ ഭിത്തികള്‍ എന്നിവയുടെ നിര്‍മാണവും അവസാനഘട്ടത്തിലെത്തിയതോടെ തോട്ടം മാനേജ്‌മെന്റിന്റെ പരാതിയില്‍ ജോലികള്‍ നിര്‍ത്തിവയ്ക്കാന്‍ നിര്‍ദേശം നല്‍കി.
ഇതിനിടെ തോട്ടം മാനേജ്‌മെന്റ്, തോട്ടത്തിലെ പണികള്‍ മുന്നറിയിപ്പില്ലാതെ നിര്‍ത്തിയെന്നും തൊഴിലാളികളെയും സമരസമിതിയെയും തമ്മില്‍ ഭിന്നിപ്പിക്കാനുള്ള ഗൂഢനീക്കമാണിതെന്നും സമരസമിതി പറഞ്ഞു. അടുത്തദിവസം പീരുമേട് തഹസില്‍ദാരുടെ നേതൃത്വത്തില്‍ സ്ഥലത്ത് പരിശോധന നടക്കും. നിര്‍മാണം പുനരാരംഭിച്ചില്ലങ്കില്‍ ശക്തമായ പ്രതിഷേധം സംഘടിപ്പിക്കാനാണ് സമരസമതിയുടെ തീരുമാനം
What's Your Reaction?
