ഇടുക്കി: വണ്ടന്‍മേട് പഞ്ചായത്ത് പ്രസിഡന്റ് സുരേഷ് മാനങ്കേരിക്കെതിരെ എല്‍ഡിഎഫ് അംഗങ്ങള്‍ കൊണ്ടുവന്ന അവിശ്വാസ പ്രമേയം പരാജയപ്പെട്ടു. ചര്‍ച്ചയില്‍ നിന്ന് യുഡിഎഫ്, ബിജെപി അംഗങ്ങള്‍ വിട്ടുനിന്നതോടെ ഭൂരിപക്ഷമില്ലാത്തതിനാല്‍ ചര്‍ച്ച നടന്നില്ല. സ്വതന്ത്രനായി മത്സരിച്ച് ജയിച്ച സുരേഷ് പിന്നീട് യുഡിഎഫിനൊപ്പം ചേര്‍ന്ന് മൂന്ന് ബിജെപി അംഗങ്ങളുടെ പിന്തുണയോടെയാണ് പ്രസിഡന്റായത്. ഏകപക്ഷീയ നിലപാടിനും പഞ്ചായത്ത് കമ്മിറ്റി തീരുമാനങ്ങള്‍ അട്ടിമറിച്ചതിനുമെതിരെയാണ് എല്‍ഡിഎഫ്  അവിശ്വാസ പ്രമേയത്തിന് നോട്ടീസ് നല്‍കിയത്.