ഇടുക്കി: ശാന്തന്‍പാറയില്‍ കുടുംബശ്രീയും ഐസിഡിഎസും സംയുക്തമായി പോഷണ്‍ മാ 2024  ആചരണം സംഘടിപ്പിച്ചു. കമ്മ്യുണിറ്റി ഹാളില്‍ നടന്ന പരിപാടി പഞ്ചായത്ത് പ്രസിഡന്റ് ലിജു വര്‍ഗീസ് ഉദ്ഘാടനം ചെയ്തു. പോഷക സമൃദമായ ഭക്ഷണ ക്രമത്തിന്റെ പ്രാധാന്യം വീടുകളിലേക്ക് എത്തിക്കുക എന്ന ലക്ഷ്യത്തോടെയാണ് പോഷണ്‍ മാ ആചാരണം നടത്തുന്നത്. അങ്കണവാടി ജീവനക്കാരുടെ നേതൃത്വത്തില്‍ തയ്യാറാക്കിയ പോഷക സമൃദ്ധമായ ഭക്ഷണ സാധനങ്ങളുടെ പ്രദര്‍ശനവും റാലിയും സംഘടിപ്പിച്ചു. സിഡിഎസ് ചെയര്‍പേഴ്സണ്‍ ശ്യാമള ബാലന്‍, പഞ്ചായത്തംഗങ്ങളായ എം ഹരിചന്ദ്രന്‍, പ്രിയദര്‍ശിനി, രാജേശ്വരി കാളിമുത്തു, ഐസിഡിഎസ് സൂപ്പര്‍വൈസര്‍മാരായ ബിന്‍സി സ്‌കറിയ, എം കെ ഷൈലജ, ഹോമിയോ മെഡിക്കല്‍ ഓഫിസര്‍ ഡോ. എല്‍ ബി പോള്‍, സന്ധ്യ വിജി, വിന്‍സെന്റ് തുടങ്ങിയവര്‍ പങ്കെടുത്തു.