ഇടുക്കി: എസ്എന്‍ഡിപി യോഗം മലനാട് യൂണിയന്‍ സുവര്‍ണ ജൂബിലി ആഘോഷ സമാപനവും ജൂബിലി സ്മാരക മന്ദിരം ഉദ്ഘാടനവും ഗുരുദേവ കീര്‍ത്തി സ്തംഭത്തിന് ലഭിച്ച ഡോ. അബ്ദുള്‍ കലാം ലോക റെക്കോഡ് പ്രഖ്യാപനവും ഞായറാഴ്ച നടക്കും. വൈകിട്ട് നാലിന് യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ ഉദ്ഘാടനം ചെയ്യും. എസ് എന്‍ ട്രസ്റ്റ് ഡയറക്ടര്‍ ബോര്‍ഡംഗം പ്രീതി നടേശന്‍ ഭദ്രദീപം തെളിയിക്കും. യൂണിയന്‍ പ്രസിഡന്റ് ബിജു മാധവന്‍ അധ്യക്ഷനാകും. യോഗം വൈസ് പ്രസിഡന്റ് തുഷാര്‍ വെള്ളാപ്പള്ളി എസ് എന്‍ ഷോപ്പിങ് കോംപ്ലക്‌സ് ഉദ്ഘാടനം ചെയ്യും. യോഗം ദേവസ്വം സെക്രട്ടറി അരയക്കണ്ടി സന്തോഷ് ജൂബിലി പതിപ്പ് പ്രകാശിപ്പിക്കും. ഗുരുപ്രകാശം സ്വാമി അനുഗ്രഹ പ്രഭാഷണം നടത്തും. തുടര്‍ന്ന് കട്ടപ്പന ഗോള്‍ഡന്‍ ബീറ്റ്‌സിന്റെ ഗാനമേള. വാര്‍ത്താസമ്മേളനത്തില്‍ യൂണിയന്‍ പ്രസിഡന്റ് ബിജു മാധവന്‍, സെക്രട്ടറി വിനോദ് ഉത്തമന്‍, പി.ആര്‍. മുരളീധരന്‍, മനോജ് ആപ്പാന്താനത്ത്, പി.എസ്. സുനില്‍കുമാര്‍, കെ.കെ. രാജേഷ്, ഷാജി പുള്ളോലില്‍ എന്നിവര്‍ പങ്കെടുത്തു.