ഇടുക്കി: നരിയമ്പാറ മന്നം മെമ്മോറിയല്‍ ഹൈസ്‌കൂളിലെ എസ്പിസി 3-ാമത് ബാച്ചിന്റെ പാസിങ് ഔട്ട് പരേഡ് നടന്നു. ഇടുക്കി ജില്ലാ പഞ്ചായത്ത് പ്രസിഡന്റ് രാരിച്ചന്‍ നീറണാകുന്നേല്‍ മുഖ്യാതിഥിയായിരുന്നു. അച്ചടക്കവും സേവന മനോഭാവവും നിയമങ്ങളോടുള്ള വിധേയത്വവും അനുവര്‍ത്തിക്കുന്ന ഒരു പുതുതലമുറയെ വാര്‍ത്തെടുക്കാന്‍ കേരള സര്‍ക്കാര്‍ രൂപം നല്‍കിയിരിക്കുന്ന പദ്ധതിയാണ് സ്റ്റുഡന്‍സ് പൊലീസ് കേഡറ്റ്. കാഞ്ചിയാര്‍ പഞ്ചായത്ത് പ്രസിഡന്റ് സുരേഷ് കുഴിക്കാട്ട്, കട്ടപ്പന ബ്ലോക്ക് പഞ്ചായത്തംഗം രാജലക്ഷ്മി അനീഷ്, കട്ടപ്പന എസ്എച്ച്ഒ ടി.സി മുരുകന്‍, എസ്പിസി പ്രോജക്ട് എഡിഎന്‍ഒ എസ് ആര്‍ സുരേഷ് ബാബു, സ്‌കൂള്‍ മാനേജര്‍ ബി ഉണ്ണികൃഷ്ണന്‍ നായര്‍, ഹെഡ്മിസ്ട്രസ് എന്‍ ബിന്ദു, സിപിഒ ടി എസ് ഗിരീഷ്‌കുമാര്‍, എസിപിഒ ശാലിനി എസ് നായര്‍ എന്നിവര്‍ സംസാരിച്ചു.