.jpeg)
കാഞ്ചിയാറില്‍ ലഹരി വിരുദ്ധ ബോധവല്‍ക്കരണം നടത്തി
കാഞ്ചിയാറില്‍ ലഹരി വിരുദ്ധ ബോധവല്‍ക്കരണം നടത്തി
ഇടുക്കി: കട്ടപ്പന എക്‌സൈസ് റേഞ്ച് ഓഫീസും കാഞ്ചിയാര്‍ ബിഎസ്എസ് ലൈബ്രററിയും ചേര്‍ന്ന് ജീവിതമാണ് ലഹരി എന്ന വിഷയത്തില്‍ ഏകദിന ലഹരി വിരുദ്ധ ബോധവല്‍ക്കരണ പരിപാടി സംഘടിപ്പിച്ചു. വളര്‍ന്നുവരുന്ന യുവ തലമുറയെ ലഹരി വസ്തുക്കളുടെ ഉപയോഗത്തില്‍ നിന്ന് പിന്തിരിപ്പിക്കുകയും അവരെ സംരക്ഷിക്കുകയും ചെയ്യുക, ലഹരിക്കെതിരെയുള്ള പ്രവര്‍ത്തനങ്ങളില്‍ ജനങ്ങളെ അണിചേര്‍ക്കുക എന്നീ ലക്ഷ്യത്തോടെയാണ് പരിപാടി സംഘടിപ്പിച്ചത്. സിവില്‍ എക്‌സൈസ് ഓഫീ സാബുമോന്‍ എം സി .ബോധവല്‍കരണ ക്ലാസ് നയിച്ചു. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ഇന്‍ചാര്‍ജ് പി.കെ. സുരേഷ് ഉദ്ഘാടനം ചെയ്തു. പഞ്ചായത്തംഗം ഷാജി വേലംപറമ്പില്‍ അധ്യക്ഷനായി. ബിഎസ്എസ് ലൈബ്രറി സെക്രട്ടറി റോയ് ജോണ്‍, പഞ്ചായത്തംഗം രമ മനോഹരന്‍,ലൈബ്രേറിയന്‍ രമ്യമോള്‍ രാജന്‍ എന്നിവര്‍ സംസാരിച്ചു. തുടര്‍ന്ന് ലഹരി വിരുദ്ധ വോളിബോള്‍ മത്സരം നടന്നു. അസിസ്റ്റന്റ് എക്‌സൈസ് ഇന്‍സ്‌പെക്ടര്‍ ഗ്രേഡ് സജിമോന്‍ തുണ്ടത്തില്‍ ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. ഗ്രേഡ് പി ഓ ബിജുമോന്‍ പി കെ, പ്രിന്‍സ് എബ്രഹാം, സിഇഒ അജേഷ് വി എം തുടങ്ങിയവര്‍ പങ്കെടുത്തു
What's Your Reaction?
