ബിജെപി ജനസംരക്ഷണ യാത്ര കട്ടപ്പനയില്‍ സമാപിച്ചു
ബിജെപി ജനസംരക്ഷണ യാത്ര കട്ടപ്പനയില്‍ സമാപിച്ചു
ഇടുക്കി: ബിജെപി ഇടുക്കി സൗത്ത് പ്രസിഡന്റ് വിസി വര്‍ഗീസ് നയിച്ച ജനസംരക്ഷണ യാത്ര കട്ടപ്പനയില്‍ സമാപിച്ചു. സമാപന സമ്മേളനം അഡ്വ. ഷോണ്‍ ജോര്‍ജ് ഉദ്ഘാടനം ചെയ്തു. ജില്ലയില്‍ സൈലന്റായിട്ടുള്ള വനവല്‍കരണമാണ് കഴിഞ്ഞ 12 വര്‍ഷമായി നടന്നുകൊണ്ടിരിക്കുന്നതെന്നും കേരളം മാറിമാറി ഭരിക്കുന്ന ഇടത്, വലത മുന്നണികള്‍ക്ക് ഭൂവിഷയത്തില്‍ ഇതുവരെയും ഒന്നും ചെയ്യാന്‍ സാധിച്ചിട്ടില്ലെന്നും അദ്ദേഹം പറഞ്ഞു. ഒരുവശത്ത് കര്‍ഷകരെ സംരക്ഷിക്കുന്ന നിലപാടുകളാണ് തങ്ങള്‍ സ്വീകരിക്കുന്നതെന്ന് പറഞ്ഞ് ജില്ലയിലെ കര്‍ഷകരെ വഞ്ചിക്കുന്ന നിലപാടുകളാണ് സര്‍ക്കാര്‍ സ്വീകരിക്കുന്നതെന്നും ഷോണ്‍ ജോര്‍ജ് പറഞ്ഞു. ജില്ലയില്‍ വര്‍ധിച്ചുവരുന്ന വന്യജീവി ആക്രമണം, ഭൂവിഷയങ്ങള്‍, നിര്‍മാണ നിരോധനം, പട്ടയവിഷയങ്ങള്‍, വര്‍ധിച്ചുവരുന്ന മയക്കുമരുന്ന് മാഫിയകളുടെ വിളയാട്ടം തുടങ്ങിയ വിഷയങ്ങളില്‍ പരിഹാരം തേടിയാണ് ജന സംരക്ഷണ യാത്ര നടത്തിയത്. കട്ടപ്പന മണ്ഡലം പ്രസിഡന്റ് അഡ്വ. സുജിത്ത് ശശി അധ്യക്ഷനായി. ദേശീയ സമിതിയംഗം ശ്രീനഗരി രാജന്‍, രതീഷ് വരകുമല, കെ. കുമാര്‍, സി. സന്തോഷ് കുമാര്‍, എ.വി.മുരളി, രത്‌നമ്മ ഗോപിനാഥ്, ഷാജി നെല്ലിപ്പറമ്പില്‍, പി.എന്‍ . പ്രസാദ്, തങ്കച്ചന്‍ പുരയിടം,സുരേഷ് കുമാര്‍, ജിബിന്‍ സെബാസ്റ്റ്യന്‍, സുരേഷ് കുഴിക്കാട്ടില്‍, കെ.എന്‍.പ്രകാശ്, മകേഷ് കുമാര്‍, രതീഷ് പി.എസ്, കൃഷ്ണകുമാര്‍, മാധ്യമ പ്രവര്‍ത്തകന്‍ വിബി രാജന്‍, പി.ആര്‍. സന്തോഷ്, മഞ്ചു സതീഷ്, സന്തോഷ് കിഴക്കേമുറി തുടങ്ങിയവര്‍ സംസാരിച്ചു.
What's Your Reaction?
