ഇടുക്കി: ജില്ലയിലെ വിനോദസഞ്ചാര കേന്ദ്രങ്ങളിലെ പ്രകൃതിയുടെ മനോഹാരിത ഫ്രെയിമുകളിലാക്കി ചിത്രങ്ങളെടുക്കാം. ജില്ലയിലെ വിനോദസഞ്ചാര കേന്ദ്രങ്ങളില്‍ സഞ്ചാരികള്‍ക്കായി നടപ്പാക്കിയ ഇന്‍സ്റ്റാളേഷന്‍ ഓഫ് ഫോട്ടോഫ്രെയിംസ് അറ്റ് 7 ലൊക്കേഷന്‍സ് ഇടുക്കി എന്ന പദ്ധതി പ്രകാരമാണ് ചിത്രങ്ങളെടുക്കാന്‍ ഫ്രെയിമുകള്‍ സ്ഥാപിച്ചിരിക്കുന്നത്. രാമക്കല്‍മേട്, പാഞ്ചാലിമേട്, വാഗമണ്‍ അഡ്വെഞ്ചര്‍ പാര്‍ക്ക്, ഇടുക്കി ഹില്‍വ്യൂ പാര്‍ക്ക്, ശ്രീനാരായണപുരം, അരുവിക്കുഴി, വാഗമണ്‍ മൊട്ടക്കുന്ന് എന്നിവിടങ്ങളിലാണ് സൗകര്യമൊരുക്കിയിട്ടുണ്ട്. സ്വദേശികളും വിദേശികളുമായ വിനോദസഞ്ചാരികള്‍ക്ക് പ്രകൃതിഭംഗി നിറഞ്ഞ മനോഹര ഫ്രെയിമുകളില്‍ ഫോട്ടോയും സെല്‍ഫിയുമെല്ലാം പകര്‍ത്താം. 22ന് മന്ത്രി പി എ മുഹമ്മദ് റിയാസ് വാഗമണ്‍ അഡ്വെഞ്ചര്‍ പാര്‍ക്കില്‍ ഫോട്ടോഫ്രെയിംസ് ഉദ്ഘാടനം ചെയ്യും. 38,17,116 രൂപ മുതല്‍മുടക്കിലാണ് പദ്ധതി നടപ്പാക്കിയത്.