മുന്‍ ഡിസിസി പ്രസിഡന്റും സംഘവും ചൊക്രമുടി സന്ദര്‍ശിച്ചു: കൈയേറ്റം ഒഴിപ്പിക്കണമെന്ന് നേതാക്കള്‍
മുന്‍ ഡിസിസി പ്രസിഡന്റും സംഘവും ചൊക്രമുടി സന്ദര്‍ശിച്ചു: കൈയേറ്റം ഒഴിപ്പിക്കണമെന്ന് നേതാക്കള്‍
ഇടുക്കി: മുന്‍ ഡിസിസി പ്രസിഡന്റ് റോയി കെ പൗലോസിന്റെ നേതൃത്വത്തിലുള്ള കോണ്‍ഗ്രസ് നേതാക്കള്‍ ബൈസണ്‍വാലി ചൊക്രമുടി മലനിരകളില്‍ സന്ദര്‍ശനം നടത്തി. ഒറ്റമരം, പച്ചപ്പുല്ല്, പെരപ്പാറ മേഖലകള്‍ സംഘം സന്ദര്‍ശിച്ചു. സര്‍ക്കാര്‍ ഭൂമി കൈയേറിയിട്ടുണ്ടെങ്കില്‍ സര്‍ക്കാര്‍ അടിയന്തരമായി പരിശോധിക്കണമെന്ന് റോയി കെ പൗലോസ് ആവശ്യപ്പെട്ടു. കുത്തകപ്പാട്ട ഭൂമിയുടെ മറവില്‍ പ്രദേശത്ത് കൈയേറ്റം നടന്നിട്ടുണ്ടോയെന്നും പരിശോധിക്കണം. ചൊക്രമുടി മേഖലയില്‍ കൈയേറിയിട്ടുള്ള 870 ഏക്കര്‍ തരിശുഭൂമി സര്‍വേ നടത്തി തിരിച്ചുപിടിക്കാന്‍ നടപടി വേണമെന്നും നേതാക്കള്‍ ആവശ്യപ്പെട്ടു. കോണ്‍ഗ്രസ് ബൈസണ്‍വാലി മണ്ഡലം പ്രസിഡന്റ് തോമസ് നിരവത്തുപറമ്പില്‍, വി ജെ ജോസഫ്, എം എം ബേബി, അലോഷി തിരുതാളില്‍, ബേബി, ഷാബു, സിജു ജേക്കബ്, ഗുണശേഖരന്‍ തുടങ്ങിയവര്‍ സംഘത്തിലുണ്ടായിരുന്നു.
What's Your Reaction?
