അടിമാലി ഇനി സമ്പൂര്‍ണ മാലിന്യമുക്ത ബ്ലോക്ക് പഞ്ചായത്ത്
അടിമാലി ഇനി സമ്പൂര്‍ണ മാലിന്യമുക്ത ബ്ലോക്ക് പഞ്ചായത്ത്
ഇടുക്കി: അടിമാലി ബ്ലോക്ക് പഞ്ചായത്തിനെ സമ്പൂര്‍ണ മാലിന്യമുക്തമായി പ്രസിഡന്റ് സോമന്‍ ചെല്ലപ്പന്‍ പ്രഖ്യാപിച്ചു. സംസ്ഥാന സര്‍ക്കാരിന്റെ മാലിന്യമുക്ത നവകേരളം പദ്ധതിയുടെ ഭാഗമായിട്ടാണ് പ്രഖ്യാപനം നടത്തിയത്. ബ്ലോക്കിന് കീഴിലെ മുഴുവന്‍ പഞ്ചായത്തുകളെയും മാലിന്യമുക്തമായി പ്രഖ്യാപിച്ചശേഷമാണ് ബ്ലോക്ക് തല പരിപാടി നടത്തിയത്. ബ്ലോക്ക് പഞ്ചായത്ത് വൈസ് പ്രസിഡന്റ് ഷാന്റി ബേബി അധ്യക്ഷനായി. വിവിധ പഞ്ചായത്ത് പ്രസിഡന്റുമാര്‍, വൈസ് പ്രസിഡന്റുമാര്‍, ബ്ലോക്ക് പഞ്ചായത്തംഗങ്ങള്‍, ഉദ്യോഗസ്ഥ പ്രതിനിധികള്‍ തുടങ്ങിയവര്‍ പങ്കെടുത്തു. ബ്ലോക്ക് പഞ്ചായത്ത് പരിധിയില്‍ മികച്ച പ്രവര്‍ത്തനം കാഴ്ച്ചവച്ച പഞ്ചായത്തായി പള്ളിവാസല്‍ പഞ്ചായത്തിനെയും ഹരിത കര്‍മസേനയായി വെള്ളത്തൂവല്‍ പഞ്ചായത്തിലെ ഹരിത കര്‍മസേനയേയും മികച്ച സര്‍ക്കാര്‍ സ്ഥാപനമായി സി എച്ച് സി ചിത്തിരപുരത്തേയും തെരഞ്ഞെടുത്തു.
What's Your Reaction?
