ഇടുക്കി: കോണ്‍ഗ്രസ് നരിയമ്പാറ വാര്‍ഡ് കമ്മിറ്റി മഹാത്മാഗാന്ധി കുടുംബ സംഗമം നടത്തി. കെപിസിസി സെക്രട്ടറി തോമസ് രാജന്‍ ഉദ്ഘാടനം ചെയ്തു. മഹാത്മാഗാന്ധിയെ തമസ്‌കരിക്കുന്ന വര്‍ത്തമാനകാല സാഹചര്യത്തില്‍ ഗാന്ധിയന്‍ ദര്‍ശനങ്ങള്‍ ജനങ്ങളിലേക്ക് എത്തിക്കുകയെന്ന ലക്ഷ്യത്തോടെയാണ് കെപിസിസിയുടെ ആഹ്വാനപ്രകാരം കുടുംബ സംഗമം സംഘടിപ്പിച്ചത്. വാര്‍ഡ് പ്രസിഡന്റ് സജിമോള്‍ ഷാജി അധ്യക്ഷനായി. യുഡിഎഫ് ജില്ലാ ചെയര്‍മാന്‍ ജോയി വെട്ടിക്കുഴി മുഖ്യപ്രഭാഷണം നടത്തി. ഡിസിസി സെക്രട്ടറി അഡ്വ. കെ ജെ ബെന്നി, കര്‍ഷക കോണ്‍ഗ്രസ് സംസ്ഥാന സെക്രട്ടറി ജോസ് മുത്തനാട്ട്, മണ്ഡലം പ്രസിഡന്റ് സിജു ചക്കുംമൂട്ടില്‍, നേതാക്കളായ ബീന ടോമി, മനോജ് മുരളി, ലീലാമ്മ ബേബി, സിബി പാറപ്പായി, ജോസ് അഗസ്റ്റിന്‍, എബ്രഹാം ജോസഫ്, കെ യു ജോസഫ് എന്നിവര്‍ സംസാരിച്ചു.