ഇടുക്കി: കേരള വിധവാ സംഘത്തിന്റെ 14-ാമത് സംസ്ഥാന സമ്മേളനം 24,25 തീയതികളില്‍ അടിമാലി എം ഇ മീരാന്‍ മെമ്മോറിയല്‍ ട്രെയിനിങ് സെന്ററില്‍ നടക്കും. 200ലേറെ പ്രതിനിധികള്‍ പങ്കെടുക്കും. 24ന് സാംസ്‌കാരിക സമ്മേളനം സിനിമാതാരം സോണിയ മല്‍ഹാര്‍ ഉദ്ഘാടനം ചെയ്യും. കെ ടി ഗീത അധ്യക്ഷയാകും. ശരണ്യ സ്വാശ്രയ സംഘങ്ങളും സ്വയം തൊഴില്‍ സംരംഭങ്ങളും എന്ന വിഷയത്തില്‍ സെമിനാര്‍ നടക്കും. 25ന് വാര്‍ഷിക സമ്മേളനം മന്ത്രി റോഷി അഗസ്റ്റിന്‍ ഉദ്ഘാടനം ചെയ്യും. കെ ടി ഗീത അധ്യക്ഷയാകും. സംഘടനാ സംസ്ഥാന ചെയര്‍മാന്‍ ടി എന്‍ രാജന്‍ മുഖ്യപ്രഭാഷണം നടത്തും. അഡ്വ. ഡീന്‍ കുര്യാക്കോസ് എംപി കെ എം ഗിരിജ സ്മാരക അവാര്‍ഡ് പ്രഖ്യാപിക്കും. സ്നേഹാദരവ് 2025ന്റെ ഉദ്ഘാടനം അഡ്വ. എ രാജ എംഎല്‍എ നിര്‍വഹിക്കും.  സെമിനാറുകള്‍, കലാ മത്സരങ്ങള്‍, ജനറല്‍ കൗണ്‍സില്‍ മീറ്റ്, പ്രതിനിധി സമ്മേളനം, സാംസ്‌കാരിക സമ്മേളനം, പ്രകടനം എന്നിവ നടക്കും. സമ്മേളനത്തിന്റെ ഭാഗമായി അംഗങ്ങള്‍ക്കുവേണ്ടി നടത്തുന്ന മത്സരങ്ങളിലെ വിജയികള്‍ക്ക് അടിമാലി പഞ്ചായത്ത് പ്രസിഡന്റ് സൗമ്യ അനില്‍ സമ്മാനങ്ങള്‍ വിതരണം ചെയ്യും. പുതിയ സംസ്ഥാന സമിതി തെരഞ്ഞെടുപ്പോടെ സമ്മേളനം സമാപിക്കും. വാര്‍ത്താസമ്മേളനത്തില്‍ സംഘടനാ അഡൈ്വസറി ബോര്‍ഡ് ചെയര്‍മാന്‍ ടി എന്‍ രാജന്‍, സംസ്ഥാന പ്രസിഡന്റ്് മോളി ചാര്‍ളി, ജനറല്‍ സെക്രട്ടറി രജനി ഉദയന്‍, സ്വാഗതസംഘം ചെയര്‍മാന്‍ എല്‍ രാജന്‍, കണ്‍വീനര്‍ ലിസി മാത്യു തുടങ്ങിയവര്‍ പങ്കെടുത്തു.