കോണ്‍ഗ്രസ് ജയിക്കേണ്ടത് ജനാധിപത്യത്തിന് ആവശ്യം : പി.കെ കുഞ്ഞാലിക്കുട്ടി
കോണ്‍ഗ്രസ് ജയിക്കേണ്ടത് ജനാധിപത്യത്തിന് ആവശ്യം : പി.കെ കുഞ്ഞാലിക്കുട്ടി
ഇടുക്കി: കോണ്‍ഗ്രസ് ജയിക്കേണ്ടത് ജനാധിപത്യത്തിന്റെ ആവശ്യമെന്ന് മുസ്ലിം ലീഗ് ദേശിയ ജനറല്‍ സെക്രട്ടറി പി.കെ കുഞ്ഞാലിക്കുട്ടി. യുഡിഎഫ് സ്ഥാനാര്‍ത്ഥി ഡീന്‍ കുര്യാക്കോസിന്റെ തിരഞ്ഞെടുപ്പ് പ്രചരണാര്‍ത്ഥം തൊടുപുഴ നിയോജകമണ്ഡലം കണ്‍വന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം. കോണ്‍ഗ്രസിന്റെ അംഗങ്ങളുടെ എണ്ണം കൂടിയാല്‍ മാത്രമേ വരുന്ന പൊതു തിരഞ്ഞെടുപ്പില്‍ ഇന്ത്യ മുന്നണി അധികാരത്തില്‍ വരു. കോണ്‍ഗ്രസ് ഭരിച്ചുകൊണ്ടിരുന്നപ്പോള്‍ പ്രതിപക്ഷത്തിനും അര്‍ഹമായ ബഹുമാനം നല്‍കിയിരുന്നു. എന്നാല്‍ പ്രതിപക്ഷത്തെ ഇല്ലായ്മ ചെയ്യാനാണ് ഇപ്പോള്‍ ബിജെപി ശ്രമിക്കുന്നതെന്നും അദ്ദേഹം പറഞ്ഞു.
ചരിത്രത്തിലെ ഏറ്റവും വലിയ ഭൂരിപക്ഷത്തോടെ ഇടുക്കി ജനത ഡീന്‍ കുര്യാക്കോസിനെ ജയിപ്പിക്കുമെന്ന് ചടങ്ങില്‍ അധ്യക്ഷത വഹിച്ച കേരള കോണ്‍ഗ്രസ് ചെയര്‍മാന്‍ പി.ജെ ജോസഫ് പറഞ്ഞു. ഈ സര്‍ക്കാരിനെതിരായി വോട്ട് ചെയ്യാന്‍ മലയോര ജനത കാത്തിരിക്കുകയാണ്. തന്നെ ഏല്‍പ്പിച്ച കര്‍ത്തവ്യം പൂര്‍ണമായി നിറവേറ്റിയെന്ന ചാരിതാര്‍ത്ഥ്യത്തോടെയാണ് താന്‍ ഈ തിരഞ്ഞെടുപ്പില്‍ മത്സരിക്കുന്നതെന്ന് യുഡിഎഫ് സ്ഥാനാര്‍ത്ഥി ഡീന്‍ കുര്യാക്കോസ് പറഞ്ഞു. മണ്ഡലത്തില്‍ നടപ്പിലാക്കിയ വികസന പദ്ധതികളുടെ തുടര്‍ച്ചക്ക് വേണ്ടിയാണ് ഈ പ്രാവശ്യം യുഡിഎഫ് വോട്ട് അഭ്യര്‍ത്ഥിക്കുന്നതെന്ന് അദ്ദേഹം പറഞ്ഞു.
ചടങ്ങില്‍ യുഡിഎഫ് നേതാക്കളായ അഡ്വ. എസ് അശോകന്‍, സി.പി മാത്യു, ജോയി വെട്ടിക്കുഴി, ജെയ്‌സണ്‍ ജോസഫ്, എം. എന്‍. ഗോപി, പ്രൊഫ. എം. ജെ. ജേക്കബ്, കെഎംഎ ഷുക്കൂര്‍, റോയി കെ. പൗലോസ്, എന്‍.ഐ ബെന്നി, എ.എം ഹാരിദ് , സുരേഷ് ബാബു, അഡ്വ. സിറിയക് കല്ലിടുക്കില്‍, കെ എസ്. സിയാദ്, എംഎസ്. മുഹമ്മദ്, ടി.കെ. നവാസ്, എസ്.എം. ഷെരീഫ്, പി.എം. സീതി, പ്രൊഫ. ഷീല സ്റ്റീഫന്‍, ഇന്ദു സുധാകരന്‍, കൃഷ്ണന്‍ കണിയാപുരം, അഡ്വ. ജോസി ജേക്കബ്, അഡ്വ.ജോസഫ് ജോണ്‍, രാജു ഓടയ്ക്കല്‍, പി.ജെ. അവിര, രാജു ജോര്‍ജ്, അനില്‍ പയ്യാനിക്കല്‍, ജോണ്‍ നെടിയപാലാ, എം. കെ പുരുഷോത്തമന്‍, നിഷാ സോമന്‍, മനോജ് കോക്കാട്ട് തുടങ്ങിയവര്‍ സംസാരിച്ചു.
What's Your Reaction?
