യുഡിഎഫ് ഉടുമ്പന്‍ചോല നിയോജക മണ്ഡലം കണ്‍വന്‍ഷന്‍
യുഡിഎഫ് ഉടുമ്പന്‍ചോല നിയോജക മണ്ഡലം കണ്‍വന്‍ഷന്‍
ഇടുക്കി: ഡീന്‍ കുര്യാക്കോസിന്റെ ഉടുമ്പന്‍ചോല നിയോജക മണ്ഡലം തിരഞ്ഞെടുപ്പ് കണ്‍വന്‍ഷന്‍ എഐസിസി സെക്രട്ടറി പി.സി വിഷ്ണുനാഥ് എംഎല്‍എ ഉദ്ഘാടനം ചെയ്തു. രാജ്യത്തെ ജനാധിപത്യത്തെ ബിജെപി സര്‍ക്കാര്‍ കല്‍തുറങ്കില്‍ അടച്ചു, കേവല ഭൂരിപക്ഷത്തിന്റെ അടുത്തെത്താന്‍ പോലും കഴിയില്ലെന്ന് ബിജെപി മനസിലാക്കി കഴിഞ്ഞു. അതുകൊണ്ടാണ് കോണ്‍ഗ്രസ് ഉള്‍പ്പെടെയുള്ള പ്രതിപക്ഷ കക്ഷികളെ ബിജെപി വേട്ടയാടുന്നത്. അതിനാല്‍ ജനാധിപത്യം നിലനിര്‍ത്താന്‍ യു.ഡി.എഫ്.വിജയിക്കേണ്ടത് കാലഘട്ടത്തിന്റെ അനിവാര്യതയാണെന്നും പി സി വിഷ്ണു നാഥ്.
സിപിഎം കോണ്‍ഗ്രസിനെതിരെ നിരന്തരം നുണ പ്രചരണം നടത്തുകയാണ്, രാഹുല്‍ ഗാന്ധിയെ വിമര്‍ശിക്കുന്ന സിപിഎം കേരളം വിട്ടാല്‍ രാഹുല്‍ ഗാന്ധിയുടെ ഫോട്ടോ വെച്ചാണ് വോട്ട് പിടിക്കുന്നതെന്ന് വിഷ്ണുനാഥ് പരിഹസിച്ചു. ഇടുക്കി പാര്‍ലമെന്റ് മണ്ഡലം യു.ഡി.എഫ്.സ്ഥാനാര്‍ത്ഥി അഡ്വ.ഡീന്‍ കുര്യാക്കോസിന്റ നേതൃത്വത്തില്‍ റോഡ് ഷോയും നെടുങ്കണ്ടത്ത് നടന്നു. യുഡിഎഫ് ചെയര്‍മാന്‍ എം.ജെ. കുര്യന്‍ യോഗത്തില്‍ അധ്യക്ഷത വഹിച്ചു. ഡിസിസിപ്രസിഡന്റ്, സി പി മാത്യു, കെ എം എ ഷുക്കൂര്‍, അഡ്വ: എസ് അശോകന്‍, ജെയ്‌സണ്‍ ജോസഫ്, ജോയി വെട്ടിക്കുഴി, എം.ജെ ജേക്കബ്, , ഇ.എം ആഗസ്തി, റോയി കെ പൗലോസ്, ജോയി തോമസ്, തോമസ് രാജന്‍, എം.എന്‍ ഗോപി ,സേനാപതി വേണു തുടങ്ങിയവര്‍ സംസാരിച്ചു.
What's Your Reaction?
